കൊവിഡിനെതിരെയുള്ള ഐക്യദീപത്തില്‍ തിളങ്ങി രാജ്യം:മോദിയുടെ ആഹ്വാനം ചരിത്രമായി, പിന്തുണ അര്‍പ്പിച്ച് വിദേശരാജ്യങ്ങളും

കൊവിഡിനെതിരെയുള്ള പ്രതിരോധത്തിന്റെ ഭാഗമായി ഐക്യദീപം തെളിയിക്കാനുള്ള പ്രധാനമന്ത്രി നരേന്ദ്രമോദിയുടെ ആഹ്വാനം ഏറ്റെടുത്ത് രാജ്യം. രാത്രി ഒന്‍പത് മണി മുതല്‍ ഒന്‍പത് മിനിറ്റാണ് രാജ്യം ദീപം തെളിയിച്ച് ഒരുമ തെളിയിച്ചത്. നഗരങ്ങളിലും ഗ്രാമങ്ങളിലും ഉള്ള ജനത ഒരു പോലെ പ്രധാനമന്ത്രിയുട ആഹ്വാനം ഏറ്റെടുത്തു. വിളക്ക്, മെഴുകുതിരി, ചിരാത് എന്നിവ തെളിയിച്ചായിരുന്നു കൂടുതല്‍ പേര്‍ രംഗത്തെത്തിയിരുന്നു.

മുഖ്യമന്ത്രി പിണറായി വിജയന്റെ ഔദ്യോഗിക വസതിയായ ക്ലിഫ് ഹൗസിലും ലൈറ്റുകള്‍ അണച്ച് ടോര്‍ച്ച് ലൈറ്റ് തെളിയിച്ചു. ആഭ്യന്തരമന്ത്രി അമിത് ഷാ, ഉപരാഷ്ട്രപതി വെങ്കയ്യ നായിഡു, ആരോഗ്യമന്ത്രി ഹര്‍ഷവര്‍ധന്‍ തുടങ്ങി നിരവധി നേതാക്കള്‍ ഐക്യദീപം തെളിയിക്കലില്‍ പങ്കാളിയായി. യു.പി. മുഖ്യമന്ത്രി യോഗി ആദിത്യനാഥ്, തെലങ്കാന മുഖ്യമന്ത്രി കെ. ചന്ദ്രശേഖര്‍ റാവു തുടങ്ങിയവരും ദീപങ്ങള്‍ തെളിയിച്ചു.

Ghaziabad: People light up candles following the call of PM Modi to switch off all the lights of houses today at 9 PM for 9 minutes, and just light a candle, 'diya', or mobile's flashlight, to mark India's fight against #Coronavirus. pic.twitter.com/oN9qMk9CaF

— ANI UP/Uttarakhand (@ANINewsUP) April 5, 2020

ഞായറാഴ്ച രാത്രി ഒമ്പതിന് ഒമ്പത് മിനുട്ട് നേരം ലൈറ്റുകള്‍ അണച്ച് ടോര്‍ച്ചോ, മൊബൈലോ, മെഴുകുതിരിയോ, ദീപമോ തെളിയിക്കണമെന്നായിരുന്നു പ്രധാനമന്ത്രിയുടെ അഭ്യര്‍ത്ഥന. കൊവിഡ് അന്ധകാരത്തില്‍ നിന്ന് വെളിച്ചത്തിലേക്ക് നടന്നുനീങ്ങുന്നതിന്റെ പ്രതീകാത്മക കൂട്ടായ്മ എന്ന നിലയിലാണ് ആഹ്വാനമെന്നും പ്രധാനമന്ത്രി പറഞ്ഞിരുന്നു.

PM @narendramodi ‘s mother, Hira ba, also lit a diya in solidarity with the rest of India at the PM’s call for #9minutes9pm . pic.twitter.com/sukWV1TQL4

— Nistula Hebbar (@nistula) April 5, 2020

Delhi: BJP President JP Nadda turns off all the lights of his residence & lights earthen lamps. PM had appealed to the nation to switch off all lights of houses today at 9 PM for 9 minutes, & just light a candle, 'diya', or flashlight, to mark India's fight against #Coronavirus pic.twitter.com/jnvexQtBiZ

— ANI (@ANI) April 5, 2020

നരേന്ദ്ര മോദിയുടെ ദീപം തെളിക്കല്‍ ആഹ്വാനത്തെ പിന്തുണച്ചുകൊണ്ട് വിദേശ നയതന്ത്ര കാര്യാലയങ്ങളും രംഗത്തെത്തി. ദക്ഷിണേഷ്യന്‍ മേഖലയില്‍ അഫ്ഗാനിസ്താന്‍, നേപ്പാള്‍, ഭൂട്ടാന്‍, ബംഗ്ലാദേശ്, മാലദ്വീപ് സ്ഥാനപതിമാര്‍ ദീപം തെളിയിക്കലില്‍ പങ്കാളികളായി. മോദിയുടെ ആഹ്വാനത്തെ പിന്തുണച്ച് രാത്രി 9 മണിക്ക് ലൈറ്റുകള്‍ ഓഫ് ചെയ്യുകയും മെഴുകുതിരി കത്തിക്കുകയും ചെയ്യുമെന്ന് അഫ്ഗാന്‍ സ്ഥാനപതി താഹിര്‍ ഖാദിരി പറഞ്ഞിരുന്നു. കോവിഡിനെതിരായ പോരാട്ടത്തില്‍ നേപ്പാളും ഇന്ത്യയും പൂര്‍ണ ഐക്യദാര്‍ഢ്യം പ്രഖ്യാപിക്കുന്നുവെന്ന് നേപ്പാള്‍ സ്ഥാനപതി പറഞ്ഞു. ബംഗ്ലാദേശ് സ്ഥാനപതിയും സമാന മനോഭാവമാണ് പങ്കുവെച്ചത്.

ദക്ഷിണേഷ്യക്ക് പുറത്ത് വിയറ്റ്‌നാം, ജപ്പാന്‍, ഓസ്‌ട്രേലിയ, ഇസ്രായേല്‍, ജര്‍മ്മനി, ടുണീഷ്യ, മെക്‌സിക്കോ, പോളണ്ട് എന്നിവിടങ്ങളില്‍ നിന്നുള്ള സ്ഥാനപതികളും പ്രധാനമന്ത്രിയുടെ ആഹ്വാനത്തില്‍ പങ്കുചേരുമെന്ന് അറിയിച്ചിരുന്നു, ബ്രിട്ടീഷ് ആക്ടിംഗ് ഹൈക്കമ്മീഷണര്‍ ജാന്‍ തോംസണും പ്രധാനമന്ത്രിയുടെ ആഹ്വാനത്തില്‍ പങ്കെടുക്കുമെന്ന് അറിയിച്ചിരുന്നു.

നേരത്തെ കൊവിഡിനെതിരെയുള്ള ബോധവത്ക്കരണത്തിന്റെ ഭാഗമായി നടന്ന ജനത കര്‍ഫ്യു ദിനത്തില്‍ ആരോഗ്യ പ്രവര്‍ത്തകര്‍ക്ക് അഭിന്ദജനം അറിയിക്കാന്‍ ബാല്‍ക്കണിയില്‍ നി്ന്ന് അഞ്ച് മിനിറ്റ് കയ്യടിക്കാനും, ശബ്ദം മുഴക്കാനും പ്രധാനമന്ത്രി ആഹ്വാനം ചെയ്തിരുന്നു. ഇതും രാജ്യം ഒറ്റക്കെട്ടായി ഏറ്റെടുത്തിരുന്നു. പോലം ലോകരാജ്യങ്ങളും മോദിയുടെ ഇത്തരം ആഹ്വാനങ്ങളെ പ്രശംസിച്ച് രംഗത്തെത്തിയിരുന്നു.