കോവിഡ് അമേരിക്ക എതിരെയുള്ള പോരാട്ടത്തിന്റെ ഭാഗമായ ലോക്ഡൗൺ നീട്ടുന്നതിനെ കുറിച്ച് ഇന്ന് തീരുമാനമാകും. ഇക്കാര്യത്തിൽ തീരുമാനമെടുക്കാൻ പ്രധാനമന്ത്രി നരേന്ദ്ര മോദിയും മുഖ്യമന്ത്രിമാരുമായി രാവിലെ വീഡിയോ കോൺഫറൻസ് നടത്തും. മാർച്ച് 24-ന് പ്രഖ്യാപിച്ച 21 ദിവസത്തെ ലോക്ഡൌൺ ചൊവ്വാഴ്ച അവസാനിക്കും. ഈ സാഹചര്യത്തിലാണ് അടച്ചിടൽ നീട്ടുന്ന കാര്യം ചർച്ചചെയ്യാൻ യോഗം ചേരുന്നത്.
കേരളമടക്കം ബഹുഭൂരിപക്ഷം സംസ്ഥാനങ്ങളും ലോക്ഡൗൺ നീട്ടണമെന്നുള്ള അഭിപ്രായമാണ് മുന്നോട്ടുവച്ചത്.ലോക്ഡൗൺ ഒറ്റയടിക്ക് അവസാനിപ്പിക്കാതെ ഘട്ടംഘട്ടമായി പിൻവലിക്കണമെന്നാണ് ഇവരുടെ നിർദേശം. എന്നാൽ, നിയന്ത്രണങ്ങൾ നീട്ടുമ്പോൾ ചില ഇളവുകൾ അനുവദിക്കണമെന്ന അഭിപ്രായവും ശക്തമാണ്.ഒഡിഷയും പഞ്ചാബും അടക്കം പല സംസ്ഥാനങ്ങളിലും ലോക്ഡൗൺ ഈ മാസം മുപ്പതാം തീയതി വരെ നീട്ടിയിട്ടുണ്ട്.
