ചെന്നൈ: നഗരത്തിലെ കോർപ്പറേഷൻ ജീവനക്കാർക്ക് കോവിഡ് സ്ഥിരീകരിച്ചു.രോഗം സ്ഥിരീകരിച്ച ജീവനക്കാരിലെ ഭൂരിഭാഗം പേർക്കും രോഗലക്ഷണങ്ങളൊന്നും തന്നെ ഇല്ലായിരുന്നുവെന്നാണ് റിപ്പോർട്ടുകൾ. ശുചീകരണ തൊഴിലാളികൾ ഉൾപ്പെടെ 19 ജീവനക്കാർക്കാണ് രോഗം സ്ഥിരീകരിച്ചത്.കോവിഡ് സ്ഥിരീകരിച്ചവർക്കാർക്കും രോഗം ബാധിച്ചത് എങ്ങനെയാണെന്ന് ഇനിയും കണ്ടെത്താൻ കഴിഞ്ഞട്ടില്ല. തമിഴ്നാട്ടിൽ കോവിഡ് ബാധിക്കുന്നവരുടെ എണ്ണം ദിനംപ്രതി വർദ്ധിക്കുകയാണ്.180 പേർക്കാണ് കഴിഞ്ഞ 24 മണിക്കൂറിനുള്ളിൽ കൊറോണ സ്ഥിരീകരിച്ചത്.81 വയസ്സുള്ള വയോധികനും രണ്ട് മാസം പ്രായമുള്ള പെൺകുഞ്ഞും രോഗം ബാധിച്ചവരിൽ ഉൾപ്പെടുന്നു.റിപ്പോർട്ട് ചെയ്യപ്പെട്ട 180 കേസുകളിൽ 157 ഉം ചെന്നൈയിൽ നിന്നാണ്.
തമിഴ്നാട്ടിൽ കൊറോണ ബാധിച്ചവരുടെ ആകെയെണ്ണം 2342 ആണ്.മുന്നൂറിലധികം ആളുകൾക്കാണ് മൂന്ന് ദിവസത്തിനിടെ രോഗലക്ഷണങ്ങളൊന്നും ഇല്ലാതെ രോഗം സ്ഥിരീകരിച്ചത്. ഇത് ആരോഗ്യപ്രവർത്തകരിൽ വളരെയധികം ആശങ്കയുളവാക്കുന്നുണ്ട്. കുറച്ചു ദിവസങ്ങളായി ശുഭകരമല്ലാത്ത വാർത്തകളാണ് തമിഴ്നാട്ടിൽ നിന്നും പുറത്തു വരുന്നത്.
