20 ലക്ഷം കോടിയുടെ ഉത്തേജന പാക്കേജിന്റെ അവസാന ഭാഗം അവതരിപ്പിച്ച് കേന്ദ്ര ധനകാര്യ മന്ത്രി നിർമ്മലാ സീതാരാമൻ. പ്രതിസന്ധികളെ അവസരമാക്കുകയെന്ന പ്രധാനമന്ത്രി നരേന്ദ്രമോദിയുടെ വാക്കുകൾ ഉദ്ധരിച്ച് പ്രഖ്യാപനം ആരംഭിച്ച ധനകാര്യ മന്ത്രി, സർക്കാരും ജനങ്ങളും ഒറ്റക്കെട്ടായി നിന്ന് മഹാമാരിയെ പ്രതിരോധിക്കുന്നതിനെ അഭിനന്ദിച്ചു.
നിർമ്മാണ തൊഴിലാളികൾക്ക് 3, 500 കോടി രൂപ നൽകിയെന്നും 2.2 കോടി നിർമ്മാണ തൊഴിലാളികൾക്ക് നേട്ടമുണ്ടായിയെന്നും നിർമല സീതാരാമൻ വ്യക്തമാക്കി. 8.19 കോടി കർഷകരുടെ അക്കൗണ്ടുകളിൽ 2000 രൂപ വീതം സർക്കാർ എത്തിച്ചുവെന്ന് കണക്കുകൾ വെളിപ്പെടുത്തിയ ധനകാര്യ മന്ത്രി, ദരിദ്രർക്ക് സഹായമെത്തിക്കുക എല്ലാവരുടെയും കടമയാണെന്നും, ധാന്യങ്ങൾ മറ്റ് അവശ്യ വസ്തുക്കളും എത്തിക്കാനാണ് കേന്ദ്രസർക്കാർ ശ്രമിക്കുന്നതെന്നും പറഞ്ഞു. ജൻധൻ അക്കൗണ്ട് വഴി 20 കോടി സ്ത്രീകൾക്ക് പണം നൽകിയെന്നും 10,024 കോടി രൂപ ഇവരുടെ അക്കൗണ്ടുകളിൽ എത്തിച്ചേർന്നെന്നും നിർമല സീതാരാമൻ വെളിപ്പെടുത്തി
