ബോളിവുഡ് താരങ്ങൾക്ക് അമേരിക്കയിൽ നടക്കുന്ന പ്രശ്നങ്ങൾക്കെതിരെ പ്രതികരിക്കാൻ ഭയങ്കര മിടുക്കാണ്, എന്നാൽ, ഇന്ത്യയിൽ നടക്കുന്ന അതിക്രമങ്ങൾക്കെതിരെ അവർ വായ തുറക്കില്ലെന്ന് ബോളിവുഡ് താരം കങ്കണ റണാവത്.
“സ്വന്തം രാഷ്ട്രത്തിൽ നടക്കുന്ന പ്രശ്നങ്ങളിൽ ഇടപെടാൻ താരങ്ങൾക്ക് ഒരുപാട് ആലോചിക്കണം. എന്നാൽ അമേരിക്കയിലെ കറുത്ത വർഗ്ഗക്കാരുടെ പ്രശ്നങ്ങളിൽ ഒക്കെ നിമിഷാർദ്ധം കൊണ്ടാണ് പ്രതികരണം. ഏതാനും ആഴ്ചകൾക്ക് മുമ്പ് മഹാരാഷ്ട്രയിലെ പാൽഘറിൽ നടന്ന സന്യാസിമാരുടെ ആൾക്കൂട്ട കൊലപാതകം ബോളിവുഡ് താരങ്ങൾ താമസിക്കുന്ന ബോംബെക്കടുത്തു തന്നെയായിരുന്നു. ആരും വായ തുറന്ന് ഒരക്ഷരം മിണ്ടിയില്ല.പരിസ്ഥിതി വിഷയങ്ങളിലും മറ്റും വിദേശരാജ്യങ്ങളിലെ കൗമാരക്കാരെ വാനോളം പ്രശംസിക്കും, അവനവന്റെ രാജ്യത്തെ പ്രവർത്തനങ്ങളെ അവഗണിക്കും.പഴയ ബ്രിട്ടീഷ് കോളനിവാഴ്ചയിലെ അടിമത്ത മനോഭാവത്തിന് ഇപ്പോഴും ചിലരിൽ വലിയ മാറ്റമൊന്നും വന്നിട്ടില്ല” എന്നാണ് കങ്കണ പറഞ്ഞത്.പിങ്ക് വില്ലയ്ക്ക് നൽകിയ അഭിമുഖത്തിൽ സംസാരിക്കുകയായിരുന്നു കങ്കണ റണാവത്.
Discussion about this post