ടെന്നിസ് കോര്‍ട്ടിലെ സൂപ്പര്‍ താരങ്ങളായ ആേ്രന്ദ അഗാസിയുടെയും സെറിന വില്യംസിന്റെയും ടെന്നിസ് കോര്‍ട്ടിലെ അന്ധവിശ്വാസങ്ങള്‍ ഏറെ പ്രസിദ്ധമാണ്. ആരും മൂക്കത്ത് വിരല്‍ വെച്ച് പോകുന്ന വിശ്വാസങ്ങള്‍. എന്നാല്‍ മത്സര വിജയത്തിന് ഇവയെല്ലാം ഏറെ നിര്‍ണായകമെന്നാണ് താരങ്ങള്‍ കരുതുന്നത്. ഇവ പാലിക്കാതെ പങ്കെടുത്ത കളികള്‍ തോറ്റ ചരിത്രവും ഇവര്‍ ഓര്‍ക്കുന്നു.
എട്ട് ഗ്രാന്റ് സ്ലാം നേടിയ സൂപ്പര്‍ താരമാണ് അഗാസി. അടിവസ്ത്രം ധരിക്കാതെ കോര്‍ട്ടിലെത്തിയാല്‍ വിജയം ഉറപ്പാണെന്നാണ് താരത്തിന്റെ വിശ്വാസം. അടിവസ്ത്രം ധരിക്കാതെ ഫ്രഞ്ച് ഓപ്പണിന്റെ എല്ലാ കളികളും വിജയിച്ച് ചാമ്പ്യനായ അനുഭവം അഗാസി പങ്കുവെക്കുന്നു.
ചില കാര്യങ്ങളില്‍ പുലര്‍ത്തുന്ന വ്യത്യസ്ത തനിക്ക് വിജയം ഉറപ്പിക്കുന്നുവെന്നാണ് സെറിനാ വില്യംസ് കരുതുന്നത്. ഷു കെട്ടുന്ന രീതിയാണ് സെറിനയുടെ പ്രത്യേകത. വിചിത്രമായ രീതിയിലുള്ള ഷു ലേസ് കെട്ടല്‍ വിജയം കൊണ്ടുവരുമെന്ന് അവര്‍ വിശ്വസിച്ചു. ആദ്യ മത്സരം വിജയിക്കുമ്പോള്‍ ധരിച്ച സോക്‌സ് മറ്റ് കളികളിലും കഴുകാതെ ഉപയോഗിക്കുന്ന സ്വഭാവം സെറീനാ വില്യംസിനുണ്ടായിരുന്നു. എല്ലാ മത്സരത്തിനും സെറീന ഷവര്‍ ചപ്പല്‍ ധരിച്ചാണ് എത്തുക ഇത് തനിക്ക് ഭാഗ്യം കൊണ്ടുവരുമെന്ന് അവര്‍ കരുതിയിരുന്നു.
ഓരോ സര്‍വ്വിസിനും മുമ്പ് പന്ത് ബൗണ്‍സ് ചെയ്യിക്കുന്ന എണ്ണവും ഇതുപോലെയൊന്നാണ്. ആദ്യ സെര്‍വ്വാണെങ്കില്‍ പന്ത് അഞ്ച് തവണ ബൗണ്‍സ് ചെയ്യിക്കും. സെക്കന്റ് സെര്‍വ്വാണെങ്കില്‍ ഇത് രണ്ട് തവണ മാത്രമാകും.
ആദ്യ ഗെയിന് ശേഷം സെറിന് നെറ്റ് ക്രോസ് ചെയ്യുന്നത് അമ്പയറുടെ കസേരയ്ക്ക് എതിര്‍ വശത്ത് കൂടിയായിരിക്കും. എല്ലാ മത്സരങ്ങള്‍ക്കും ബന്ധുക്കളും, സുഹൃത്തുക്കളും ഒരു പ്രത്യേക സ്ഥാനത്ത് ഇരിക്കണമെന്നും സെറിന നിര്‍ബന്ധം പിടിക്കും.
സ്പാനിഷ് ഇതിഹാസം റാഫേല്‍ നാദലിനും ഇത്തരം ചില രീതികളുണ്ട്. ഓരോ മത്സരത്തിനും മുമ്പായി, അദ്ദേഹം തന്റെ രണ്ട് വാട്ടര്‍ ബോട്ടിലുകളില്‍ ഒന്ന് വലതുവശത്ത് നിലത്തും മറ്റൊന്ന് കസേരയുടെ മുന്നിലായി ഇടത്തും വെക്കുംു. മത്സരത്തിലുടനീളം, തുടര്‍ച്ചയായി ഒരു കുപ്പിയില്‍ നിന്ന് വെള്ളം കുടിക്കില്ല. ഒരേ കുപ്പിയില്‍ നിന്ന് തുടര്‍ച്ചയായി രണ്ടുതവണ കുടിക്കുന്നത് നല്ലതല്ലെന്നാണ് വിശ്വാസം.
വിഖ്യാത കളിക്കാരനായ ജോര്‍ജ്ജ് ബോര്‍ഗ് തന്റെ താടി ഭാഗ്യം കൊണ്ടു വരുമെന്ന് വിശ്വസിച്ചിരുന്നു.1976ലും, 80ലും അഞ്ച് വിജയങ്ങള്‍ നേടുന്നതിന് തന്റെ താടി സഹായിച്ചുവെന്നാണ് അദ്ദേഹം കരുതിയത്.
ഫ്രഞ്ച് താരം റിച്ചാര്‍ഡ് ഗാസക്വറ്റിന് പന്ത് ഭാഗ്യം കൊണ്ടു വരുന്നുവെന്നായിരുന്നു വിശ്വാസം. ഒരു ഗെയിമില്‍ വിജയം നേടുമ്പോള്‍ ഉപയോഗിച്ച പന്ത് മറ്റ് കളികളിലും ഉപയോഗിക്കാന്‍ അദ്ദേഹത്തിന് താല്‍പര്യം ഉണ്ടായിരുന്നു.
