സംസ്ഥാനത്തെ സർക്കാർ ഓഫീസുകൾ മുഴുവൻ ഇന്നു മുതൽ തുറന്നു പ്രവർത്തിക്കും.എല്ലാ ജോലിക്കാരും ജോലിക്ക് എത്തണമെന്ന് സർക്കാർ ഉത്തരവിട്ടിട്ടുണ്ട്.ഹോട്ട്സ്പോട്ട്, കണ്ടെയ്ൻമെന്റ് സോണുകളിലെ സ്ഥാപനങ്ങൾക്ക് ഉത്തരവ് ബാധകമല്ല. യാത്രാസൗകര്യം ഇല്ലാത്തതിനാൽ അന്യജില്ലകളിൽ ജോലി ചെയ്തിരുന്നവർ തിരികെയെത്തണമെന്നും ഉത്തരവുണ്ട്.ഇനിയൊരു അറിയിപ്പ് ഉണ്ടാകുന്നതു വരെ ശനിയാഴ്ച അവധി ദിവസം തന്നെയായിരിക്കും.
ഗുരുതര രോഗം ബാധിച്ചിട്ടുള്ളവർക്കും, ഭിന്നശേഷിക്കാർക്കും, ഭിന്നശേഷിക്കാരായ കുട്ടികളുടെ രക്ഷിതാക്കൾക്കും ഡ്യൂട്ടിയിൽ നിന്ന് വിട്ടുനിൽക്കാം.കോവിഡ് സ്ഥിരീകരിച്ചവർക്കും കുടുംബാംഗങ്ങൾ രോഗബാധിതരായവർക്കും കാഷ്വൽ ലീവ് നൽകും.ഒരു വയസ്സിൽ താഴെയുള്ള കുട്ടികൾ ഉള്ളവർ 7 മാസം പൂർത്തിയാക്കി ഗർഭിണികൾ എന്നിവർക്ക് വർക്ക് ഫ്രം ഹോം അനുമതി നൽകണമെന്നും സർക്കാർ ഉത്തരവിൽ പറയുന്നു.
Discussion about this post