ഡല്ഹി: രാത്രി കര്ഫ്യുവില് ഇളവ് നല്കി കേന്ദ്ര സര്ക്കാര്. ട്രക്കുകള്ക്കും അവശ്യസാധനങ്ങളുടെ നീക്കത്തിനും കര്ഫ്യൂ ബാധകമല്ല. ബസുകളിലെ യാത്രയ്ക്കും വിലക്കില്ല. ബസ്, ട്രെയിന് സ്റ്റേഷനുകളില് ഇറങ്ങി വീട്ടിലേക്ക് പോകുന്നവരെയും തടയരുതെന്നാണ് നിര്ദ്ദേശം.
അതേസമയം കൊറോണ വ്യാപനത്തെതുടര്ന്ന് അഞ്ച് സംസ്ഥാനങ്ങള്ക്ക് കേന്ദ്രം ജാഗ്രതാനിര്ദ്ദേശം നല്കിയിട്ടുണ്ട്. മഹാരാഷ്ട്ര, തമിഴ്നാട്, ഡല്ഹി, രാജസ്ഥാന്, ഉത്തര്പ്രദേശ് എന്നീ സംസ്ഥാനങ്ങള്ക്കാണ് നിര്ദ്ദേശം നല്കിയിരിക്കുന്നത്. ഈ സംസ്ഥാനങ്ങളിലെ മരണ നിരക്ക് ദേശീയ ശരാശരിയേക്കാള് മുകളിലാണ്. ദേശീയ ശരാശരി 2.8 ശതമാനമെങ്കില് അഞ്ച് ശതമാനമാണ് ഈ സംസ്ഥാനങ്ങളിലെ ശരാശരി നിരക്ക്.
കൊറോണ മാസങ്ങളോളം നീണ്ടുനില്ക്കുമെന്ന മുന്നറിയിപ്പുകള്ക്കിടെ വെന്റിലേറ്റര്, ഐ.സി.യു അടക്കമുള്ള സംവിധാനങ്ങള് ഓഗസ്റ്റോടെ നിറയുമെന്നും കൂടുതല് കരുതല് വേണമെന്നുമാണ് മുന്നറിയിപ്പ്.
Discussion about this post