ഡല്ഹി: സംസ്ഥാന മുഖ്യമന്ത്രിമാരുമായി വീണ്ടും കൂടിക്കാഴ്ച നടത്താനൊരുങ്ങി പ്രധാനമന്ത്രി നരേന്ദ്രമോദി. ജൂണ് 16, 17 തീയതികളില് ആണ് ആശയവിനിമയം നടത്തുന്നത്. രാജ്യത്തെ കൊറോണ വൈറസ് സാഹചര്യം സംബന്ധിച്ചും ലോക്ക്ഡൗണില് കൂടുതല് ഇളവുകള് നല്കുന്നതിനെക്കുറിച്ചു അദ്ദേഹം മുഖ്യമന്ത്രിമാരുമായി വീഡിയോ കോണ്ഫറന്സില് സംസാരിക്കും.
നിലവില് കൊറോണ ബാധിതരുടെ എണ്ണത്തില് ലോകത്ത് നാലാം സ്ഥാനത്താണ് ഇന്ത്യ. രോഗബാധിതരുടെ എണ്ണം മൂന്നുലക്ഷം കടന്നു. അതിനിടെ 70 ദിവസത്തിലധികം നീണ്ട ലോക്ക്ഡൗണിന് പിന്നാലെ സര്ക്കാര് പൊതുഗതാഗതത്തിനും ഓഫീസുകളുടെയും മാളുകളുടെയും പ്രവര്ത്തനത്തിനും അടക്കം അനുമതി നല്കിയിരുന്നു.
കൊറോണയും ലോക്ഡൗണിനും പിന്നാലെ സംസ്ഥാന മുഖ്യമന്ത്രിമാരുമായി പ്രധാനമന്ത്രി നടത്തുന്ന ആറാമത്തെ കൂടിക്കാഴ്ചയാണിത്. മെയ് 11 നാണ് ഇതിനു മുമ്പത്തെ വീഡിയോ കോണ്ഫറന്സ് നടന്നത്. നാലാംഘട്ട ലോക്ക്ഡൗണ് പ്രഖ്യാപിക്കുന്നതിനു മുമ്പ് കേന്ദ്ര ആഭ്യന്തരമന്ത്രി അമിത് ഷാ മുഖ്യമന്ത്രിമാരുമായി സംസാരിച്ചിരുന്നു.
Discussion about this post