ലഡാക്ക് : ചൈനയെ പിന്തുണച്ചു കൊണ്ടുള്ള കാർഗിൽ കോൺഗ്രസ് കൗൺസിലർ സക്കീർഹുസൈന്റെ ഫോൺ സംഭാഷണം പുറത്ത്. ലഡാക്ക് ബിജെപി പാർലമെന്റ് അംഗം ജംയാങ് സെറിങ്ങാണ് കോൺഗ്രസ് നേതാവ് സക്കീർ ഹുസൈന്റേതെന്നു കരുതുന്ന വോയ്സ് ക്ലിപ്പ് പുറത്തു വിട്ടത്.
“ഗാൽവാനിൽ ഇന്ത്യൻ പട്ടാളക്കാരെ ചൈനീസ് പട്ടാളക്കാർ കീഴടക്കി.ആയുധമുണ്ടായിട്ടും ഇന്ത്യൻ പട്ടാളക്കാർ നിറയൊഴിച്ചില്ല.” എന്നാണ് കോൺഗ്രസ് കൗൺസിലർ പറയുന്നത്.ഇനി എന്താണ് ഉണ്ടാവാൻ പോകുന്നതെന്ന് അപ്പുറത്തുള്ള ആൾ ചോദിക്കുമ്പോൾ “ലഡാക് ഒരായിരം കഷണങ്ങളായി വിഭജിക്കപ്പെടണം, പകുതി ചൈനയെടുക്കും, എന്നാൽ, നമുക്ക് കശ്മീരിന്റെ വിശേഷാധികാരം തിരിച്ചു കിട്ടും” എന്ന് സക്കീർ ഹുസൈൻ മറുപടി കൊടുക്കുന്നു.
രാജ്യത്തിന്റെ പരമാധികാരത്തെ ചോദ്യം ചെയ്തു കൊണ്ടുള്ള ടെലിഫോൺ സംഭാഷണം, ദേശീയ തലത്തിൽ വികാരമിളക്കി വിട്ടിട്ടുണ്ട്. രാജ്യത്തെ ഒറ്റുന്ന കോൺഗ്രസിന്റെ ഈ നയത്തിനെതിരെ ആഞ്ഞടിച്ചു ബിജെപിയും രംഗത്തുവന്നിട്ടുണ്ട്.
Discussion about this post