സൈന്യത്തിലെ വനിതാ ഉദ്യോഗസ്ഥർക്ക് പെർമനെന്റ് കമ്മീഷൻ പ്രാബല്യത്തിൽ വരുത്താൻ കോടതി വിധി നടപ്പിലാക്കാൻ കേന്ദ്ര പ്രതിരോധ മന്ത്രാലയത്തിന് ഒരു മാസം കൂടി സമയം നീട്ടി കൊടുത്ത് സുപ്രീംകോടതി.പെർമനെന്റ് കമ്മീഷൻ നടപ്പിലാക്കുന്നതുമായി ബന്ധപ്പെട്ട കാര്യങ്ങൾ തീരുമാനിക്കുന്നതിന്റെ ചർച്ചകൾ അവസാനഘട്ടത്തിലാണെന്ന് പ്രതിരോധ മന്ത്രാലയം കോടതിയെ അറിയിച്ചതിനെ തുടർന്നാണ് കോടതി സമയം നീട്ടി നൽകിയത്.
ഫെബ്രുവരിയിലാണ് സൈന്യത്തിലെ വനിതാ ഉദ്യോഗസ്ഥർക്കും പുരുഷ ഉദ്യോഗസ്ഥരെ പോലെ പെർമനെന്റ് കമ്മീഷൻ നടപ്പിലാക്കണമെന്ന വിധി ഡൽഹി ഹൈക്കോടതി പുറപ്പെടുവിച്ചത്. സുപ്രീംകോടതി വിധി ശരി വെയ്ക്കുകയും ചെയ്തിരുന്നു.വനിതാ ഉദ്യോഗസ്ഥരെ പെർമനെന്റ് കമ്മീഷനിൽ ഉൾപ്പെടുത്താതെ മാറ്റി നിർത്തുന്നത് ഇന്ത്യൻ ഭരണഘടന 14 ആം അനുച്ഛേദത്തിന്റെ ലംഘനമാണെന്നാണ് കോടതിയുടെ കണ്ടെത്തൽ.
Discussion about this post