മുഖ്യമന്ത്രിയുടെ ചിത്രം ദേശീയ തലത്തിൽ ചർച്ചയാകുന്നു; ‘സ്വർണ്ണം‘ എന്ന തലക്കെട്ടിൽ ബിജെപി ദേശീയ വക്താവ് പങ്കു വെച്ച സ്വപ്ന സുരേഷിനൊപ്പമുള്ള ചിത്രം വൈറൽ

ഡൽഹി: കേരളത്തിലെ സ്വർണ്ണക്കടത്ത് കേസ് ദേശീയ ശ്രദ്ധയാകർഷിക്കുന്നു. യു എ ഇ കോൺസുലേറ്റ് സ്വർണക്കടത്തുമായി ബന്ധപ്പെട്ട് സംസ്ഥാന സർക്കാരിനെതിരെ ആരോപണം ശക്തമായിരിക്കുന്ന സാഹചര്യത്തിൽ മുഖ്യമന്ത്രി പിണറായി വിജയനെ മലയാളത്തിൽ പരിഹസിച്ച് ബിജെപി ദേശീയ വക്താവ് സംബിത് പത്ര രംഗത്തെത്തി.

സ്വർണം pic.twitter.com/33lnwNnKMu

— Sambit Patra (Modi Ka Parivar) (@sambitswaraj) July 8, 2020

‘സ്വർണം‘ എന്ന് മലയാളത്തിൽ എഴുതിയിരിക്കുന്ന ട്വീറ്റിൽ മുഖ്യമന്ത്രിയുടെയും, കേസിലെ മുഖ്യപ്രതിയായി കരുതപ്പെടുന്ന സ്വപ്ന സുരേഷിന്റെയും ചിത്രം സംബിത് പത്ര പങ്കു വെച്ചിട്ടുണ്ട്. ഈ ട്വീറ്റ് വൈറൽ ആകുകയാണ്.

അതേസമയം യു എ ഇ കോൺസുലേറ്റുമായി ബന്ധപ്പെട്ട സ്വർണ്ണക്കടത്ത് ദേശസുരക്ഷയെയും അന്താരാഷ്ട്ര ബന്ധങ്ങളെയും ബാധിക്കുന്നതാണെന്ന് ബിജെപിയും കോൺഗ്രസ്സും ആരോപിച്ചു. കേസുമായി ബന്ധപ്പെട്ട് കസ്റ്റംസ് വകുപ്പിന് പുറമെ ഐ ബിയും റോയും അന്വേഷണം ആരംഭിച്ചിട്ടുണ്ട്. അന്വേഷണം എൻ ഐ എ ഏറ്റെടുക്കാനും സാദ്ധ്യതയുണ്ട്. മിക്ക ദേശീയ മാദ്ധ്യമങ്ങളും വലിയ പ്രാധാന്യത്തോടെയാണ് വിഷയം ചർച്ച ചെയ്യുന്നത്.