ഹുവാവെ സാങ്കേതികവിദ്യയ്ക്കു പകരമായി 5ജി വയർലെസ്സ് നെറ്റവർക്കുകൾ നിർമ്മിക്കാൻ ജപ്പാനോട് ആവശ്യപ്പെട്ട് ബ്രിട്ടീഷ് സർക്കാർ.എൻഇസി കോർപ്,ഫുജിറ്റ്സു ലിമിറ്റഡ് എന്നീ കമ്പനികളോടാണ് ബ്രിട്ടൻ 5ജി നെറ്റ്വർക്കുകൾ നിർമിക്കാൻ ആവശ്യപ്പെട്ടിട്ടുള്ളത്.ചൈനീസ് നിർമിതമായ ഹുവാവെ എത്രമാത്രം സുരക്ഷിതമാണെന്ന് വിലയിരുത്താൻ സാധിക്കാത്തതിനാലാണ് യുകെ പ്രധാനമന്ത്രി ബോറിസ് ജോൺസൺ ഹുവാവെ ഉപേക്ഷിക്കാൻ തീരുമാനിച്ചതെന്നാണ് സൂചനകൾ.
ബ്രിട്ടന്റെ ഈ ആവശ്യത്തോട് ജപ്പാൻ ഇതുവരെ പ്രതികരിച്ചിട്ടില്ല.ബ്രിട്ടന്റെ പുതിയ തീരുമാനം 5ജി വയർലെസ്സ് നിർമാതാക്കളിൽ മത്സരബുദ്ധി വർധിപ്പിക്കാൻ ഇടയുണ്ട്. ഹുവാവെയ്ക്കു പകരം വെയ്ക്കാവുന്ന 5ജി നെറ്റ്വർക്കുകൾ കണ്ടെത്താനുള്ള ശ്രമം ആരംഭിച്ചു കഴിഞ്ഞെന്ന് ബ്രിട്ടന്റെ ഡിജിറ്റൽ ടെക്നോളജി വകുപ്പിന്റെ മന്ത്രിയായ ഒലിവർ ഡൗടെൻ കഴിഞ്ഞ ദിവസം വ്യക്തമാക്കിയിരുന്നു.അതിനു പിന്നാലെയാണ് ജപ്പാനോട് ബ്രിട്ടൻ 5-ജി നെറ്റ്വർക്കുകൾ നിർമിക്കാൻ ആവശ്യപ്പെട്ടത്.
Discussion about this post