ന്യൂഡൽഹി : കനത്ത മഴയിൽ ആദ്യം മുങ്ങിയ ഡൽഹി നഗരത്തിന്റെ ശോചനീയാവസ്ഥ ചൂണ്ടിക്കാട്ടി മുഖ്യമന്ത്രി കെജ്രിവാളിന് എം.പി ഗൗതം ഗംഭീറിന്റെ രൂക്ഷ വിമർശനം. ഹൈവേകളിലും റോഡുകളിലും മഴവെള്ള സംഭരണം ഡൽഹി സർക്കാരിനെ പുതിയ വികസന പദ്ധതി ആണെന്നാണ് ഗംഭീർ വിശേഷിപ്പിച്ചത്.പാരീസിലും ലണ്ടനിലും ഉള്ള പോലെ ഇത് വളരെ ബൃഹത്തായ ഒരു പദ്ധതിയാണെന്ന് ഗംഭീർ ട്വിറ്ററിൽ കുറിച്ചു. കഴിഞ്ഞ ആറുവർഷമായി മഴ പെയ്തു കഴിഞ്ഞാൽ ഡൽഹി നഗരത്തിന്റെ അവസ്ഥ ഇങ്ങനെ തന്നെയാണ്.
മറ്റുള്ളവർക്ക് മേൽ പഴി ചാരാതെ മുഖ്യമന്ത്രി വേണ്ട നടപടികൾ എടുക്കണമെന്നും ഗംഭീർ ആവശ്യപ്പെട്ടു.ഇതുവരെ ചെയ്തതിൽ ഏറ്റവും വലിയ മഴയാണ് കഴിഞ്ഞ കുറച്ചു മണിക്കൂറുകളായി ഡൽഹിക്ക് ലഭിച്ചത്.നഗരത്തിൽ ജൂലൈ 21 വരെ കനത്ത മഴ പെയ്യുമെന്ന് കാലാവസ്ഥാ വകുപ്പ് അറിയിച്ചിട്ടുണ്ട്.ഡൽഹിയോട് ചേർന്നു കിടക്കുന്ന ഫരീദാബാദ്, മീററ്റ്, ഗുരുഗ്രാം,നോയിഡ,ഹിസർ എന്നീ പ്രദേശങ്ങളിലും ശക്തമായ മഴ പെയ്യുമെന്നും മുന്നറിയിപ്പ് നൽകിയിട്ടുണ്ട്
Discussion about this post