ഡൽഹി : ഇന്ത്യയിലെ ചെറുകിട വ്യാപാരികൾക്ക് ആഗോള വിപണിയിൽ കൂടുതൽ പിന്തുണ നൽകണമെന്ന് ആമസോണിനോട് ആവശ്യപ്പെട്ട് കേന്ദ്രമന്ത്രി നിതിൻ ഗഡ്കരി. ആമസോൺ എക്സ്പോർട്ട് ഡൈജസ്റ്റ് 2020 എന്ന പരിപാടിയിൽ പങ്കെടുക്കുന്നതിനിടയിലാണ് അദ്ദേഹം ഇക്കാര്യം വ്യക്തമാക്കിയത്.
ഇന്ത്യയിലുള്ള സൂക്ഷ്മ-ചെറുകിട-ഇടത്തരം കച്ചവടക്കാരുടെ ഉൽപ്പന്നങ്ങൾക്ക് ആമസോണിൽ പ്രത്യേക ഇടം നൽകണമെന്നാണ് മന്ത്രിയുടെ ആവശ്യം. ഇന്ത്യൻ സമ്പദ് വ്യവസ്ഥയുടെ നട്ടെല്ല് എംഎസ്എംമി കളാണെന്നും ഏറ്റവും കൂടുതൽ തൊഴിലവസരങ്ങളുള്ളത് ഈ മേഖലയിലാണെന്നും നിതിൻ ഗഡ്കരി പറഞ്ഞു.ഇന്ത്യയുടെ കയറ്റുമതിയിൽ അടുത്ത 5 വർഷം കൊണ്ട് ചെറുകിട കച്ചവടക്കാരുടെ പങ്കാളിത്തം 60 ശതമാനമായി ഉയർത്താനാണ് ശ്രമമെന്നും കേന്ദ്രമന്ത്രി നിതിൻ ഗഡ്കരി കൂട്ടിച്ചേർത്തു.
Discussion about this post