അഫ്ഗാനിലെ ഹിന്ദുക്കൾക്കും സിക്കുകാർക്കും അഭയം കൊടുക്കാനുള്ള ഇന്ത്യയുടെ തീരുമാനത്തെ പ്രശംസിച്ച് അമേരിക്കൻ കോൺഗ്രസ് നേതാവ് ജിം കോസ്റ്റ. തീവ്രവാദികളുടെ കയ്യിൽ നിന്നും ഇവരെ രക്ഷിക്കണമെന്ന ഉദ്ദേശത്തോടെയെടുത്ത ഈ നടപടി അത്യന്തം പ്രശംസനീയമാണെന്നാണ് ജിംകോസ്റ്റ ട്വീറ്റ് ചെയ്തത്.ഇന്ത്യൻ പൗരത്വം ആവശ്യപ്പെട്ട് രംഗത്തു വന്ന അഫ്ഗാനിസ്ഥാനിലെ ഹിന്ദുക്കൾക്കും സിക്കുകാർക്കും വേണ്ട എല്ലാ സഹായങ്ങളും കാബൂളിലുള്ള ഇന്ത്യൻ മിഷൻ ചെയ്ത് കൊടുക്കുന്നുണ്ടെന്ന് ഇന്ത്യൻ വിദേശകാര്യ മന്ത്രാലയത്തിന് ഔദ്യോഗിക വക്താവ് അനുരാഗ് ശ്രീവാസ്തവ വ്യക്തമാക്കിയിരുന്നു.അതിനു പിന്നാലെയാണ് ഇന്ത്യയുടെ തീരുമാനത്തെ പിന്തുണച്ച് ജിം കോസ്റ്റ ട്വീറ്റ് ചെയ്തത്.
പുതിയ പൗരത്വ ഭേദഗതി നിയമനുസരിച്ച് പാകിസ്ഥാൻ, ബംഗ്ലാദേശ്, അഫ്ഗാനിസ്ഥാൻ എന്നീ രാജ്യങ്ങളിലെ ഹിന്ദു, സിക്ക്, ബുദ്ധിസ്റ്റ്, ജൈൻ, പാഴ്സി, ക്രിസ്ത്യൻ മതവിശ്വാസികൾക്ക് ഇന്ത്യൻ പൗരത്വം ആവശ്യപ്പെടാനുള്ള അവകാശമുണ്ട്.
Discussion about this post