മരണത്തിനു മുമ്പ് കാമുകി റിയ ചക്രബർത്തിക്ക് വേണ്ടി സുശാന്ത് ചിലവാക്കിയത് കോടികൾ.ഈ കണ്ടെത്തൽ സുശാന്തിന്റെ മരണവുമായി ബന്ധപ്പെട്ട കേസിൽ വഴിത്തിരിവായിരിക്കുകയാണ്.കഴിഞ്ഞ ദിവസം റിയയും കുടുംബവും സുശാന്തിൽ നിന്നും 15 കോടി രൂപയോളം തട്ടിയെടുത്തെന്ന് ആരോപിച്ച് സുശാന്തിന്റെ പിതാവ് എഫ്ഐആർ ഫയൽ ചെയ്തിരുന്നു.അതിനു പിന്നാലെയാണ് ഈ കണ്ടെത്തൽ.
റിയക്കു വേണ്ടി മാത്രമല്ല റിയയുടെ സഹോദരൻ ഷൗവിക്കിനു വേണ്ടിയും സുശാന്ത് പണം ചിലവിട്ടിരുന്നു.റിപ്പബ്ലിക് ചാനൽ പുറത്തു വിട്ട 2017 നവംബർ മുതൽ ഫെബ്രുവരി 2020 വരെയുള്ള സുശാന്തിന്റെ ബാങ്ക് അക്കൗണ്ട് വിവരങ്ങളിൽ നിന്നും ഇക്കാര്യം വ്യക്തമാണ്.റിയയുടെയും സഹോദരന്റെയും ഫ്ലൈറ്റ് ടിക്കറ്റുകൾക്കുള്ള പണവും താമസ സൗകര്യങ്ങൾക്കുള്ള പണവും ചിലവിട്ടിരുന്നത് സുശാന്താണ്.മാത്രമല്ല, റിയ സുശാന്തിന്റെ അക്കൗണ്ടിൽ നിന്നാണ് ഷോപ്പിംഗ് നടത്താനുള്ള പണം പിൻവലിച്ചിരുന്നതെന്നും അന്വേഷണത്തിൽ കണ്ടെത്തിയിട്ടുണ്ട്
Discussion about this post