തൂത്തുക്കുടി : കള്ളക്കടത്ത് ശ്രമം തകർത്ത് ഇന്ത്യൻ തീരസംരക്ഷണ സേന.കടലിൽ വച്ച് നടന്ന റെയ്ഡിൽ അഞ്ച് കോടി രൂപയുടെ കടൽ വെള്ളരി പിടികൂടി.ഇന്നലെ ഉച്ചയോടെ, മണ്ഡപം തീരത്തു നിന്നും മൂന്നര മൈൽ ദൂരത്ത് വച്ചു സംശയാസ്പദമായ നിലയിൽ കണ്ട ബോട്ട് പരിശോധിച്ചപ്പോഴാണ് കടൽവെള്ളരിയുടെ വൻശേഖരം കണ്ടെത്തിയത്.ഇവയെ ശ്രീലങ്കയിലേക്ക് കടത്താനായിരുന്നു പദ്ധതിയെന്ന് അധികൃതർ അറിയിച്ചു.
തീരപ്രദേശങ്ങളിൽ കാണപ്പെടുന്ന ഒരിനം ജലജീവിയാണ് കടൽവെള്ളരി.കടലിലെ മാലിന്യങ്ങൾ ഭക്ഷിച്ചും വിസർജ്യത്തിലൂടെ കാൽസ്യം കാർബണേറ്റ് പുറത്തു വിട്ടും ജീവിക്കുന്ന കടൽവെള്ളരി, കടലിലെ ജൈവവൈവിധ്യത സംരക്ഷിക്കുന്നതിൽ സുപ്രധാനമായ പങ്കു വഹിക്കുന്നു.പവിഴപ്പുറ്റുകളുടെ അതിജീവനത്തിന് ഇവയുടെ സാന്നിധ്യം അനിവാര്യമാണ്.അത് കൊണ്ടു തന്നെ, ഇവയെ വംശനാശം സംഭവിച്ചു കൊണ്ടിരിക്കുന്ന ജീവികളുടെ പട്ടികയിലാണ് ഉൾപ്പെടുത്തിയിരിക്കുന്നത്.ശ്രീലങ്കയിൽ ഇവയെ ആഹാരത്തിനായും മരുന്നുകൾ നിർമ്മിക്കാനും ഉപയോഗിക്കുന്നുണ്ട്.
Discussion about this post