ഉത്തർപ്രദേശിലെ ഗ്രേറ്റർ നോയ്ഡയിൽ വെച്ച് അന്തർസംസ്ഥാന മയക്കുമരുന്ന് മാഫിയയെ പോലീസ് പിടികൂടി.ഗൗതം ബുദ്ധ നഗർ പോലീസാണ് മയക്കുമരുന്ന് മാഫിയയുമായി ബന്ധമുള്ള ആറു പേരെ പിടികൂടിയത്.ഇവരിൽ നിന്നും മൂന്നു കോടി രൂപ വിലവരുന്ന 400 കിലോ മയക്കുമരുന്ന് പിടിച്ചെടുത്തിട്ടുണ്ട്.
യു.പിയിലുള്ള ബുലന്ദ്ഷഹർ നഗരത്തിലെ താമസക്കാരായ കാഫിൽ, നയീം, രാധാകിഷൻ പാണ്ഡേ, മൂൽചന്ദ്, ശിവം ശർമ, തരുൺ ചൗധരി എന്നിവരെയാണ് പോലീസ് പിടികൂടിയത്.ഡൽഹി, ഹരിയാന, പഞ്ചാബ്, ഗുജറാത്ത് എന്നീ സംസ്ഥാനങ്ങളിലേക്ക് ഇവർ മയക്കുമരുന്ന് എത്തിച്ചു കൊടുത്തിരുന്നുവെന്ന് അന്വേഷണത്തിൽ കണ്ടെത്തിയിട്ടുണ്ട്.പ്രധാനമായും യുവാക്കളെ കേന്ദ്രീകരിച്ചാണ് ഇവർ മയക്കുമരുന്ന് വിൽപ്പന നടത്തിയിരുന്നത്. നാർക്കോട്ടിക് ഡ്രഗ്സ് ആൻഡ് സൈക്കോട്രോപ്പിക്ക് സബ്സ്റ്റാൻസസ് ആക്ട് പ്രകാരം കുറ്റവാളികൾക്കെതിരെ കേസ് ചാർജ് ചെയ്തിട്ടുണ്ട്.
Discussion about this post