തൃപ്പൂണിത്തുറയില്‍ കൊവിഡ് ബാധിതയായ അമ്മയേയും മകളെയും ആശുപത്രിയിലെത്തിക്കാന്‍ വാഹനമെത്തിയത് അര്‍ദ്ധരാത്രിയ്ക്ക് എന്ന പരാതി അധികൃതര്‍ അവഗണിച്ചുവെന്ന് ആക്ഷേപം.. ആംബുലന്‍സിന് പകരം ട്രാവലറില്‍ വന്ന് രോഗികളായ സ്ത്രീകളെ കളമശ്ശേരി മെഡിക്കല്‍ കോളേജില്‍ എത്തിച്ച സംഭവം വിവാദമായിരുന്നു. ആരോഗ്യ പ്രവര്‍ത്തകര്‍ ആരും ഇല്ലാതെ ഡ്രൈവര്‍ മാത്രം എത്തിയാണ് സ്ത്രീകളെ ആശുപത്രിയിലേക്ക് കൊണ്ടു പോയതെന്നാണ് ആരോപണം.
ആറന്മുളയില്‍ കൊവിഡ് ബാധിതയായ പെണ്‍കുട്ടിയ ആംബുലന്‍സ് ഡ്രൈവര്‍ പീഡിപ്പിച്ച സംഭവം ഒറ്റപ്പെട്ടതെന്ന് സംസ്ഥാന സര്‍ക്കാര്‍ ആവര്‍ത്തിക്കുന്നതിനിടെയാണ് തൃപ്പൂണിത്തുറയില്‍ ലോട്ടസ് ഗാര്‍ഡന്‍സ് റസിഡന്റ്‌സ് അസോസിയേഷന്‍ നല്‍കിയ പരാതി ചര്‍ച്ചയാകുന്നത്. റസിഡന്റ്‌സ് അസോസിയേഷന്‍ പരാതി ഉന്നയിച്ചതിന് പിറകെ സിപിഎമ്മിന്റെ നേതൃത്വത്തില്‍ ഫ്‌ലാറ്റിന് മുന്നില്‍ പ്രതിഷേധം സംഘടിപ്പിച്ചിരുന്നു. രോഗികളായ സ്ത്രീകളെയും അസോസിയേഷനെയും അപമാനിക്കുന്ന തരത്തിലായിരുന്നു സിപിഎം അനുകൂലികളുടെ പ്രതിഷേധം അരങ്ങേറിയതെന്ന് ബിജെപി ആരോപിക്കുന്നു.
തൃപ്പൂണിത്തുറയിലെ ഫ്‌ലാറ്റില്‍ നിന്ന് കൊവിഡ് ബാധിതയായ അമ്മയേയും മകളെയും ട്രക്കില്‍ എത്തിയാണ് മെഡിക്കല്‍ കോളേജിലേക്ക് കൊണ്ടു പോയിരുന്നത്. കഴിഞ്ഞ ജൂലായ് 9നാണ് രണ്ട് പേരും കൊവിഡ് പരിശോധന നടത്തിയത്. പിന്നീട് പത്താം തിയത് കൊവിഡ് പോസറ്റീവ് എന്ന് സ്ഥിരീകരിച്ചു. ആരോഗ്യ പ്രവര്‍ത്തകരെ വിവരം അറിയിച്ച് മണിക്കൂറുകള്‍ക്ക് ശേഷം രാത്രി 12 മണിയ്ക്ക് ശേഷമാണ് രോഗികളെ കൊണ്ടു പോകാനുള്ള വാഹനം എത്തിയത്. കളമശ്ശേരി മെഡിക്കല്‍ കോളേജിലേക്ക് മാറ്റുന്നുവെന്ന് പറഞ്ഞ് ഒരു ട്രാവലര്‍ അയക്കുകയായിരുന്നു.
വാഹനത്തില്‍ ആരോഗ്യപ്രവര്‍ത്തകര്‍ ആരും ഉണ്ടായിരുന്നില്ല. പുരുഷനായ ഡ്രൈവര്‍ മാത്രമുള്ള വാഹനത്തില്‍ സ്ത്രീകളെ കയറ്റി കൊണ്ടു പോയ സംഭവത്തില്‍ പ്രതിഷേധം ഉയര്‍ന്നിരുന്നു. പിന്നീട് റസിഡന്റ്‌സ് അസോസിയേഷന്‍ ജില്ല കളക്ടര്‍, മുനിസിപ്പല്‍ ചെയര്‍ പേഴ്‌സണ്‍, പോലിസ് ഉദ്യോഗസ്ഥര്‍ തുടങ്ങിയവര്‍ക്ക് സംഭവം ചൂണ്ടിക്കാട്ടി കത്ത് നല്‍കി. എന്നാല്‍ പരാതി അധികൃതര്‍ അവഗണിച്ചുവെന്ന് അസോസിയേഷന്‍ ചൂണ്ടിക്കാട്ടുന്നു.
https://www.facebook.com/braveindianews/videos/1766729713478597/
അന്ന് അസോസിയേഷന്‍ ഉയര്‍ത്തിയ സുരക്ഷ വീഴ്ചയില്‍ നടപടി എടുത്തിരുന്നെങ്കില്‍ ആറന്മുളയില്‍ ആംബുലന്‍സ് ഡ്രൈവര്‍ കൊവിഡ് ബാധിതയായ യുവതിയെ പീഡിപ്പിച്ചതു പോലുള്ള സംഭവം ഉണ്ടാകുകയില്ലായിരുന്നുവെന്ന് മഹിളാ മോര്‍ച്ച നേതാക്കള്‍ പറഞ്ഞു. ആറന്മുള പീഡനത്തില്‍ പ്രതിഷേധിച്ച് മഹിള മോര്‍ച്ച തൃപ്പൂണിത്തുറയില്‍ സംഘടിപ്പിച്ച പരിപാടിയില്‍ അധികൃതരുടെ അനാസ്ഥക്കെതിരെ കടുത്ത പ്രതിഷേധമാണ് ഉയര്‍ന്നത്.
ആറന്മുളയില്‍ കൊവിഡ് രോഗിയായ യുവതിയെ 108 ആംബുലന്‍സ് ഡ്രൈവര്‍ പീഡിപ്പിച്ച സംഭവം ഞെട്ടലുണ്ടാക്കിയിരുന്നു. കായംകുളം കീരിക്കാട് സ്വദേശി നൗഫലിനെ പൊലീസ് അറസ്റ്റ് ചെയ്തു. നിരവധി ക്രിമിനല്‍ കേസുകളില്‍ പ്രതിയാണ് നൗഫലെന്ന് പൊലീസ് പറയുന്നു.
പെണ്‍കുട്ടി മാനസികമായി തകര്‍ന്ന നിലയിലാണെന്ന് പൊലീസ് പറയുന്നു. കൗണ്‍സിലിംഗിന് സൈക്യാട്രിക് ഡോക്ടറെ നിയോഗിച്ചു. പെണ്‍കുട്ടി സാധാരണ നിലയിലേക്ക് എത്താന്‍ നാല് ദിവസമെങ്കിലും വേണ്ടിവരുമെന്നാണ് ഡോക്ടര്‍മാര്‍ അറിയിച്ചിട്ടുള്ളത്. ്അറസ്റ്റിലായ നൗഫലിനെ ന്യായീകരിച്ച് സിപിഎം സൈബര്‍ പോരാളികള്‍ രംഗത്തെത്തിയതും വിവാദമായികരുന്നു
