കണ്ണൂർ : കൊറോണ വ്യാപനം തടയുതിനു കർശന നടപടികളുമായി അധികൃതർ മുന്നോട്ടു പോകുതിനിടെ മാനദണ്ഡങ്ങളെല്ലാം കാറ്റിൽ പറത്തി, രോഗം സ്ഥിരീകരിച്ച എസ്.ഡി.പി.ഐ പ്രവർത്തകന്റെ ശവസംസ്‌കാര ചടങ്ങുകൾ. ഇതിനെതിരെ ഇതുവരെ നടപടിയെടുക്കാൻ അധികൃതർ തയ്യാറായിട്ടുമില്ല. കഴിഞ്ഞ ദിവസം ചിറ്റാരിപ്പറമ്പിൽ കൊല്ലപ്പെട്ട എസ്.ഡി.പി.ഐ പ്രവർത്തകൻ സലാഹുദ്ദീന്റെ സംസ്‌കാര ചടങ്ങുകളാണ് എല്ലാ നിർദ്ദേശങ്ങളും കാറ്റിൽ പറത്തി നൂറുകണക്കിനാളുകളുടെ സാന്നിധ്യത്തില് കണ്ണവത്ത് നടന്നത്.
ചിറ്റാരിപ്പറമ്പിൽ കൊല്ലപ്പെട്ട സലാഹുദ്ദീന്റെ മൃതദേഹം തലശ്ശേരി ജനറൽ ആശുപത്രിയിൽ എത്തിച്ച് പോസ്റ്റുമോർട്ടത്തിനു മുന്നോടിയായി നടത്തിയ പരിശോധനയിലാണ് കൊറോണ സ്ഥിരീകരിച്ചത്. ഇക്കാര്യം ഔദ്യോഗികമായി ബന്ധപ്പെട്ടവരെ അറിയിക്കുകയും ചെയ്തിരുന്നു. എന്നാൽ എസ്.ഡി.പി.ഐ ജില്ലാ ഭാരവാഹികൾ ഇതിനെതിരെ രംഗത്തു വരികയും കോവിഡ് മാനദണ്ഡങ്ങൾ പാലിക്കില്ലെന്ന് വെല്ലുവിളിക്കുകയും ചെയ്തിരുന്നു. ഇക്കാര്യം സോഷ്യൽ മീഡിയയിലൂടെ വ്യാപകമായി പ്രചരിപ്പിക്കുകയും ചെയ്തു.
സലാഹുദ്ദീന്റെ മയ്യിത്ത് നിസ്‌കാരം അട്ടിമറിക്കുതിനാണ് പോലീസ് കൊറോണ പ്രചാരണം നടത്തുന്നതെന്നും ഇത് അനുസരിക്കാനാവില്ലെന്നുമായിരുന്നു നേതൃത്വം വ്യക്തമാക്കിയത്. പിന്നീട് പോസ്റ്റുമോർട്ടം നടപടികൾക്കു ശേഷം മൃതദേഹം ഏറ്റുവാങ്ങി നൂറുകണക്കിനു പ്രവർത്തകർ വാഹനങ്ങളിൽ അകമ്പടിയോടെയാണ് കണ്ണവത്തേക്കു കൊണ്ടുപോയത്. അവിടെ വീട്ടിലും പിന്നീട് പള്ളിയിലും നടന്ന ചടങ്ങുകളിൽ നൂറുകണക്കിനു പ്രവർത്തകർ പങ്കെടുത്തു. കൊറോണ മാനദണ്ഡങ്ങൾ ഒട്ടും പാലിക്കാതെയായിരുന്നു ഈ ഒത്തു ചേരൽ. പോലീസ് സാന്നിധ്യത്തിലായിരുന്നു ചടങ്ങുകൾ നടത്.
സാധാരണ നിലയിൽ കൊറോണ സ്ഥിരീകരിച്ച ആളുടെ മൃതദേഹം പൊതുദർശനത്തിനു വിട്ടു നൽകാറില്ല. അടുത്ത ബന്ധുക്കൾ അടക്കമുള്ള ഏതാനും പേരുടെ സാന്നിധ്യത്തിൽ ആരോഗ്യ പ്രവർത്തകരാണ് സംസ്‌കാര ചടങ്ങിനു നേതൃത്വം നൽകാറുള്ളത്.കൊറോണ മാനദണ്ഡങ്ങൾ പൂർണമായും പാലിക്കുമെന്നുറപ്പ് വരുത്തുകയാണ് ആരോഗ്യ പ്രവർത്തകരുടെ ചുമതല. എന്നാൽ കണ്ണവത്ത് ഇവയൊന്നും പാലിക്കപ്പെട്ടിട്ടില്ല.
മാത്രമല്ല, സലാഹുദ്ദീന്റെ കൊലപാതകത്തിൽ പ്രതിഷേധിച്ച് എസ്.ഡി.പി.ഐ പ്രവർത്തകർ വിവിധ സ്ഥളങ്ങളിൽ നടത്തിയ പ്രകടനങ്ങൾക്കെതിരെയും പോലീസ് ഇതുവരെ നടപടിയെടുത്തിട്ടില്ല. ആർ.എസ്.എസ് നേതാവ് വത്സൻ തില്ലങ്കേരി അടക്കമുള്ളവർക്കെതിരെ പരസ്യ കൊലവിളിയുയർത്തിയായിരുന്നു പ്രകടനങ്ങൾ. ഇതേക്കുറിച്ച് അന്വേഷിക്കുകയാണെന്നാണ് പോലീസ് നൽകുന്ന വിശദീകരണം.
