അസിസ്റ്റന്റ്, ലാസ്റ്റ് ഗ്രേഡ് തസ്തികകളിൽ പിഎസ്സി റാങ്ക് ലിസ്റ്റ് നിലവിലുണ്ടായിട്ടും കെഎസ്എഫ്ഇയിൽ താൽക്കാലിക നിയമനം നടത്തി സംസ്ഥാന സർക്കാർ. വിമുക്ത ഭടന്മാർക്കൊപ്പം പാർട്ടി അനുഭാവികളെയും കെഎസ്എഫ്ഇയിൽ നിയമിച്ചിട്ടുണ്ട്. മലപ്പുറം ഉൾപ്പെടെയുള്ള വടക്കൻ ജില്ലകളിലാണ് ദിവസവേതന അടിസ്ഥാനത്തിൽ ജീവനക്കാരെ നിയമിച്ചത്.
കമ്പനി/ കോർപ്പറേഷൻ/ ബോർഡ് അസിസ്റ്റന്റ് റാങ്ക് ലിസ്റ്റിൽ നിന്നും 662 പേർക്കാണ് കെഎസ്എഫ്ഇ നിയമന ഉത്തരവ് നൽകിയിരുന്നത്. ഈ തസ്തികയിൽ 225 ഒഴിവുകൾ റിപ്പോർട്ട് ചെയ്തിട്ടുണ്ടെന്നാണ് വിവരങ്ങൾ. താൽക്കാലിക ജീവനക്കാരെ ഒഴിവാക്കിയാൽ റാങ്ക് ലിസ്റ്റിലുള്ള നൂറോളംപേർക്ക് നിയമനം ലഭിക്കും. എന്നാൽ, കെഎസ്എഫ്ഇ അധികൃതർ ഇതിനു തയ്യാറാകുന്നില്ലെന്നാണ് ഉദ്യോഗാർത്ഥികൾ ആരോപിക്കുന്നത്.
Discussion about this post