പെരുമ്പാവൂരില്‍ നിന്ന് അറസ്റ്റിലായ അല്‍ഖ്വയ്ദ സംഘത്തില്‍ നിന്ന് ലഭിച്ചത് ഞെട്ടിക്കുന്ന വിവരങ്ങള്‍ : കേരളത്തില്‍ നിന്ന് ധനസമാഹരണത്തിന് ശ്രമിച്ചു, നിരപരാധികളെ കൊല്ലാനും, ഭീതി പരത്താനും ആസൂത്രണം

എറണാകുളത്തെ പെരുമ്പാവൂരിൽ നിന്നും ദേശീയ അന്വേഷണ ഏജൻസി പിടികൂടിയ അൽഖ്വയ്ദ ഭീകരരിൽ മലയാളികൾ ഇല്ല. അന്വേഷണ ഏജൻസിയാണ് ഇക്കാര്യം സ്ഥിരീകരിച്ചത്. മുർഷിദ് ഹസൻ, ഇയാഖൂബ് ബിശ്വാസ്, മൊസറഫ് ഹസൻ എന്നിവരാണ് അറസ്റ്റിലായത്. ഇവർ പശ്ചിമ ബംഗാൾ സ്വദേശികളാണെന്നാണ് അന്വേഷണ വൃത്തങ്ങളിൽ നിന്നും ലഭിക്കുന്ന പ്രാഥമിക വിവരം. നിർമാണ തൊഴിലാളികൾ എന്ന വ്യാജേനയാണ് ഇവർ പെരുമ്പാവൂരിൽ തങ്ങിയിരുന്നത്. തീവ്രവാദ പ്രവർത്തനങ്ങൾക്കായി ഇവർ കേരളത്തിൽ നിന്നും ധനസമാഹരണത്തിന് ധനസമാഹരണം നടത്തുന്നതിനിടയിലാണ് പിടിയിലായത്. തലസ്ഥാനമായ ഡൽഹിയിൽ അടക്കം നിരവധി സ്ഥലങ്ങളിൽ ഇവർ സ്ഫോടനത്തിന് പദ്ധതിയിട്ടിരുന്നു. നിരപരാധികളെ കൊല്ലാനും സമൂഹത്തിൽ ഭീതി വരുത്താനും ഇവർ ആസൂത്രണം ചെയ്തിരുന്നു ദേശീയ അന്വേഷണ ഏജൻസിയിലെ ഉദ്യോഗസ്ഥർ വ്യക്തമാക്കി.

പശ്ചിമ ബംഗാളിലെ മുർഷിദാബാദ് മേഖലയിൽ നിന്നും അൽഖ്വയ്‌ദ തീവ്രവാദികളെ എൻഐഎ അറസ്റ്റ് ചെയ്തിട്ടുണ്ട്. ആറു പേരെയാണ് രഹസ്യ വിവരങ്ങളുടെ അടിസ്ഥാനത്തിൽ ഇവിടെനിന്നും എൻഐഎ പിടികൂടിയത്.