ന്യൂഡൽഹി : സൗദി അറേബ്യയുടെ ദേശീയ ദിനാഘോഷത്തിൽ പങ്കെടുത്ത് ദേശീയസുരക്ഷാ ഉപദേഷ്ടാവ് അജിത് ഡോവലും വിദേശകാര്യമന്ത്രി എസ്.ജയശങ്കറും. സൗദി എംബസിയിൽ വച്ച് നടന്ന ചടങ്ങിലാണ് സൗദി സ്ഥാനപതിയുടെ ക്ഷണമനുസരിച്ച് ഇരുവരും ആഘോഷങ്ങളിൽ പങ്കെടുത്തത്. ഇതിനു മുൻപ്, ഒരു വിദേശ രാജ്യത്തിന്റെ ദേശീയ ദിനാഘോഷത്തിൽ പങ്കെടുത്ത വിദേശകാര്യ മന്ത്രി സുഷമാസ്വരാജ് ആണ്.2018-ൽ, റഷ്യൻ സ്ഥാനപതിയുടെ ക്ഷണമനുസരിച്ചായിരുന്നു എംബസിയിലെ ആ സന്ദർശനം.
സൗദി അറേബ്യയുടെ 90-മത്തെ ദേശീയ ദിനമാണിത്.ചടങ്ങുകൾക്കിടയിൽ, “ഇന്ത്യ സൗദി അറേബ്യയുടെ വളരെ അടുത്ത ഒരു സുഹൃത്താണ്, പ്രധാനപ്പെട്ട ഒരു നയതന്ത്ര പങ്കാളിയാണ്” എന്നാണ് സൗദി സ്ഥാനപതിയായ സൗദ് എം.എൽ സതി വെളിപ്പെടുത്തിയത്. പരസ്പര ധാരണയിലും സമാന താൽപര്യങ്ങളിലും അധിഷ്ഠിതമായ, സാംസ്കാരികവും സാമ്പത്തികമായ മേഖലകളിൽ ശക്തമായ നയതന്ത്ര ബന്ധം വച്ചു പുലർത്തുന്നൊരു ബന്ധമാണ് ഇന്ത്യയും സൗദി അറേബ്യയും തമ്മിലുള്ളത് എന്നും സതി പറഞ്ഞു.
ഇന്ത്യയുടെ നാലാമത്തെ ഏറ്റവും വലിയ വ്യവസായ പങ്കാളിയായ സൗദി അറേബ്യ, ഊർജ്ജ മേഖലയുടെ ഏറ്റവും പ്രധാനപ്പെട്ട സ്രോതസ്സാണ്. ഇന്ത്യയിൽ ഇറക്കുമതി ചെയ്യുന്ന ക്രൂഡ് ഓയിലിന്റെ 18 ശതമാനവും സൗദിയിൽ നിന്നാണ്.
Discussion about this post