‘ഇന്ത്യ ലോകത്തിലെ മൂന്നാമത്തെ വലിയ സാമ്പത്തിക ശക്തിയാകും‘; അമ്പത് വർഷം അതേ സ്ഥാനത്ത് തുടരുമെന്ന് റിപ്പോർട്ട്

ഡൽഹി: അടുത്ത് മുപ്പത് വർഷത്തിനുള്ളിൽ ഇന്ത്യ ലോകത്തെ മൂന്നാമത്തെ വലിയ സാമ്പത്തിക ശക്തിയായി ഉയരുമെന്ന് റിപ്പോർട്ട്. 2100 വരെ ഇന്ത്യ തത്സ്ഥാനത്ത് തുടരുമെന്നും മെഡിക്കൽ ജേണൽ ലാൻസെറ്റ് നടത്തിയ പഠനത്തിൽ പറയുന്നു.

2017ൽ ഇന്ത്യ ലോകത്തിലെ ഏഴാമത്തെ വലിയ സാമ്പത്തിക ശക്തിയായി ഉയർന്നിരുന്നു. 2030ഓടെ ഇന്ത്യ ലോകത്തിലെ നാലാമത്തെ വലിയ സാമ്പത്തിക ശക്തിയാകും. അമേരിക്കയുടെയും ചൈനയുടെയും ജപ്പാന്റെയും തൊട്ടു പിന്നിലായിരിക്കും ഇന്ത്യയുടെ സ്ഥാനം. തുടർന്ന് ഇരുപത് വർഷത്തിനുള്ളിൽ ഇന്ത്യ ജപ്പാനെയും പിന്തള്ളും.

2100ഓടെ ലോകത്തിലെ യുവജനസംഖ്യയിൽ ഇന്ത്യ ഒന്നാമതെത്തും. 195 രാജ്യങ്ങളിലെ യുവജനസംഖ്യയുടെ അടിസ്ഥാനത്തിലാണ് പഠനം നടന്നത്. സാമ്പത്തികവും രാഷ്ട്രീയവും ഭൂമിശാസ്ത്രപരവുമായ വസ്തുതകളും പഠന വിധേയമാക്കി. ജനന- മരണ നിരക്കുകൾ, കുടിയേറ്റം, ജനസംഖ്യാ വർദ്ധവ് എന്നിവയും പഠനത്തിന് അടിസ്ഥാനമായി.