ഇന്ത്യയിലേറ്റവും ജനപ്രതീയുള്ള വിദേശനേതാവ് തായ്വാൻ പ്രസിഡന്റ് സായ് ഇങ് -വെൻ ആണെന്ന് റിപ്പോർട്ടുകൾ. ഇന്ത്യൻ പ്രധാനമന്ത്രി നരേന്ദ്രമോദിയുമായി വളരെയടുത്ത ബന്ധം സൂക്ഷിക്കുന്ന വ്യക്തികൂടിയാണ് തായ്വാൻ പ്രസിഡന്റ് സായ് ഇങ് -വെൻ. ഇക്കാര്യങ്ങൾ ചൈനയെ അസ്വസ്ഥമാക്കുന്നുണ്ടെന്നാണ് ഇപ്പോൾ പുറത്തു വരുന്ന വിവരങ്ങൾ സൂചിപ്പിക്കുന്നത്.
തായ്വാന്റെ ദേശീയ ദിനത്തിൽ നിരവധി ഇന്ത്യക്കാർ തായ്വാൻ പ്രസിഡന്റ് സായ് ഇങ് -വെനിന് ആശംസകളറിയിച്ചിരുന്നു. ആ ആശംസകൾക്ക് തായ്വാൻ പ്രസിഡന്റ് നൽകിയ മറുപടിയിൽ നിന്നും തായ്വാന് ഇന്ത്യക്കാരോടുള്ള പ്രിയം പ്രകടമാണ്. തായ്വാന്റെ ദേശീയ ദിനത്തിനു മുമ്പായി ഒക്ടോബർ 7 ന് ബിജെപി നേതാവായ തജീന്ദർ പാൽ ബാഗ്ഗ ന്യൂഡൽഹിയിലെ ചൈനീസ് എംബസിക്കു മുന്നിൽ തായ്വാൻ ജനതയ്ക്ക് ആശംസകൾ അറിയിച്ചുകൊണ്ടുള്ള പോസ്റ്റർ പ്രദർശിപ്പിച്ചിരുന്നു. അന്ന് ഈ പോസ്റ്ററിന്റെ ചിത്രം പങ്കുവെച്ച് തായ്വാൻ വൈസ്പ്രസിഡന്റ് ഇന്ത്യയുടെ ഈ പ്രവർത്തിയെ പ്രശംസിക്കുകയും ചെയ്തു.
തായ്വാനെ ഒരു രാജ്യമായി കണക്കാക്കരുതെന്ന് ചൈന ആവശ്യപ്പെട്ടിട്ടും ആവശ്യം അംഗീകരിക്കാതെ തായ്വാൻ അനുകൂല നിലപാടുകൾ ഇന്ത്യയെടുക്കുന്നത് ചൈനയെ ചൊടിപ്പിച്ചിട്ടുണ്ടെന്ന് തീർച്ചയാണ്. നേരത്തെ, തായ്വാൻ വിദേശകാര്യ മന്ത്രി ജോസഫ് വു -മായി ഇന്ത്യ ടുഡേ നടത്തിയ അഭിമുഖത്തിനെതിരെ പ്രതിഷേധവുമായി ചൈന രംഗത്തു വന്നിരുന്നു. ചൈനയുടെ ‘ഏകീകൃത ചൈന നയം’ ലംഘിച്ചെന്നാരോപിച്ചാണ് ഡൽഹിയിലുള്ള ചൈനീസ് എംബസി പ്രതിഷേധവുമായി എത്തിയത്.
Discussion about this post