അബുദാബി: ഐപിഎൽ 13ആം സീസണിലെ ഫൈനൽ ലൈനപ്പ് ഇന്നറിയാം. അവസാന നോക്കൗട്ട് മത്സരത്തിൽ ഇന്ന് ഡൽഹി ക്യാപിറ്റൽസ്, സൺറൈസേഴ്സ് ഹൈദരാബാദിനെ നേരിടും. ഇന്ന് തോൽക്കുന്നവർക്ക് പുറത്തേക്കും ജയിക്കുന്നവർക്ക് ഫൈനലിലേക്കുമുള്ള വഴി തെളിയും.
ഗ്രൂപ്പ് ഘട്ടത്തിലെ അവസാന മത്സരത്തിൽ മുംബൈയെ 10 വിക്കറ്റിനും എലിമിനേറ്ററിൽ ബാംഗ്ലൂരിനെ 6 വിക്കറ്റിനും തോൽപ്പിച്ചാണ് ഹൈദരാബാദ് രണ്ടാം ക്വാളിഫയറിൽ പ്രവേശിച്ചത്. ആദ്യ ക്വാളിഫയറിൽ മുംബൈയോട് തോറ്റതോടെയാണ് പോയിന്റ് പട്ടികയിൽ രണ്ടാമതുണ്ടായിരുന്ന ഡൽഹി വീണ്ടും കളത്തിലിറങ്ങേണ്ടി വരുന്നത്.
ശിഖർ ധവാനും മലയാളിയായ നായകൻ ശ്രേയസ് അയ്യരും പൃഥ്വി ഷായും ഹെറ്റ്മെയറും ഡൽഹിയുടെ ബാറ്റിംഗ് കരുത്താണ്. റബാഡയും നോർട്ട്യെയും അക്സർ പട്ടേലും മാർക്കസ് സ്റ്റോയിനിസും ബൗളിംഗിൽ മികവ് പുലർത്തുന്നു. പട്ടേലും സ്റ്റോയിനിസും ബാറ്റിംഗിലും ഡൽഹിക്ക് മുതൽക്കൂട്ടാണ്.
മറുവശത്ത് നായകൻ ഡേവിഡ് വാർണർ, ഓപ്പണർ വൃദ്ധിമാൻ സാഹ, മനീഷ് പാണ്ഡെ, കെയ്ൻ വില്ല്യംസൺ എന്നിവർ അണിനിരക്കുന്ന ബാറ്റിംഗ് നിരയും ലോകോത്തര സ്പിന്നർ റാഷിദ് ഖാൻ, സന്ദീപ് ശർമ്മ, നടരാജൻ എന്നിവർ അണിനിരക്കുന്ന ബൗളിംഗ് നിരയും ഓൾ റൗണ്ടർ ജാസൺ ഹോൾഡറും ഹൈദരാബാദിന്റെ കരുത്ത് വിളിച്ചോതുന്നു.
Discussion about this post