ന്യൂഡൽഹി: ഡിആർഡിഒ ഭവനിൽ പുതിയതായി സ്ഥാപിച്ച ആന്റി സാറ്റലൈറ്റ് (എ-സാറ്റ്) മിസൈലിന്റെ മോഡൽ അനാച്ഛാദനം ചെയ്ത് പ്രതിരോധമന്ത്രി രാജ്നാഥ് സിംഗ്. കേന്ദ്ര ഗതാഗത വകുപ്പ് മന്ത്രി നിതിൻ ഗഡ്കരിയുടെ സാന്നിധ്യത്തിലാണ് അദ്ദേഹം ചടങ്ങുകൾ നിർവഹിച്ചത്.
ഈ നൂതന കണ്ടുപിടിത്തം നടത്തിയ ശാസ്ത്രജ്ഞരെ എ-സാറ്റ് മിസൈലിന്റെ മോഡൽ അനാവരണം ചെയ്യവേ പ്രതിരോധ മന്ത്രി അഭിനന്ദിച്ചു. ചടങ്ങുകളിൽ കേന്ദ്ര മന്ത്രി നിതിൻ ഗഡ്ഗരിയെ കൂടാതെ ഡിപ്പാർട്ട്മെന്റ് ഓഫ് ഡിഫൻസ് റിസർച്ച് ആൻഡ് ഡെവലപ്മെന്റിന്റെ സെക്രട്ടറിയും ഡിഫൻസ് റിസർച്ച് ആൻഡ് ഡെവലപ്മെന്റ് ഓർഗനൈസേഷന്റെ (ഡിആർഡിഒ) ചെയർമാനുമായ ജി. സതീഷ് റെഡ്ഡിയും പങ്കെടുത്തിരുന്നു. എ-സാറ്റ് മോഡലിന്റെ ഇൻസ്റ്റാളേഷൻ ഭാവിയിൽ ഇത്തരം നിരവധി വെല്ലുവിളി നിറഞ്ഞ ദൗത്യങ്ങൾ ഏറ്റെടുക്കാൻ നിരവധി പേരെ പ്രചോദിപ്പിക്കുമെന്ന് അനാവരണ ചടങ്ങിൽ പങ്കെടുത്തുകൊണ്ട് അദ്ദേഹം പ്രസ്താവിച്ചു.
2019 മാർച്ച് 27നാണ് ‘മിഷൻ ശക്തി’യെന്ന ഇന്ത്യയുടെ ആദ്യ എ-സാറ്റ് മിസൈൽ പരീക്ഷണം വിജയകരമായി പൂർത്തിയാക്കിയത്. പരീക്ഷണം നടന്നത് ഒഡീഷയിലെ ഡോ. എ.പി.ജെ അബ്ദുൽ കലാം ദ്വീപിൽ വെച്ചായിരുന്നു.
Raksha Mantri Shri @rajnathsingh inaugurated the Anti Satelite Missile Model during his visit to @DRDO_India Bhawan in New Delhi today. pic.twitter.com/2GUdQS3Dk2
— रक्षा मंत्री कार्यालय/ RMO India (@DefenceMinIndia) November 9, 2020
Discussion about this post