തിരുവനന്തപുരം: സ്പീക്കര് പി ശ്രീരാമകൃഷ്ണനെതിരെ അന്വേഷണം ആവശ്യപ്പെട്ട് ഗവര്ണര് ആരിഫ് മുഹമ്മദ് ഖാന് പ്രതിപക്ഷനേതാവ് രമേശ് ചെന്നിത്തലയുടെ കത്ത്. നിയമസഭയിലെ നിര്മാണപ്രവര്ത്തനങ്ങളിലെ ചട്ടലംഘനം ഉള്പ്പെടെ ചൂണ്ടിക്കാട്ടിയാണ് കത്ത്. സമഗ്ര അന്വേഷണത്തിന് ഉത്തരവിടണമെന്നും പ്രതിപക്ഷനേതാവ് കത്തില് ആവശ്യപ്പെടുന്നു.
2017-ല് ലോകകേരള സഭ നടത്തിപ്പുമായി ബന്ധപ്പെട്ട കരാറിലും 2020-ല് നടത്തിയ രണ്ടാം ലോക കേരളസഭ നടത്തിപ്പുമായി ബന്ധപ്പെട്ട കരാറിലും 53 കോടി രൂപ മുടക്കി നടപ്പിലാക്കിയ ഇ-നിയമസഭ പദ്ധതിയിലും മഹാപ്രളയദുരന്തം നേരിടുന്ന സമയത്തും ഫെസ്റ്റിവല് ഓണ് ഡെമോക്രസി എന്ന പരിപാടി നടത്തി കോടികള് ചെലവഴിച്ച സ്പീക്കര് പി. ശ്രീരാമകൃഷ്ണന്റെ നടപടിയിലും അഴിമതിയും ധൂര്ത്തും ഉണ്ടെന്നും ഇക്കാര്യത്തില് ഗവര്ണര് സമഗ്ര അന്വേഷണത്തിന് ഉത്തരവ് ഇടണമെന്നും ചെന്നിത്തല കത്തില് ആവശ്യപ്പെട്ടു.
Discussion about this post