കോവിഡ് പ്രതിരോധ പ്രവർത്തനങ്ങളിൽ കേന്ദ്ര സർക്കാരിനെ പ്രശംസിച്ച് കോൺഗ്രസ് നേതാവ് ആനന്ദ് ശർമ. ഫിക്കി സംഘടിപ്പിച്ച ചടങ്ങിലാണ് ആനന്ദ് ശർമ സർക്കാരിനെ അഭിനന്ദിച്ചത്.
കോവിഡിനെ മാതൃകാപരമായി തടയാൻ ഇന്ത്യയ്ക്ക് സാധിച്ചെന്ന് അദ്ദേഹം പറഞ്ഞു. നേരത്തെ, പ്രധാനമന്ത്രി നരേന്ദ്രമോദി വാക്സിൻ നിർമ്മാണ കേന്ദ്രങ്ങൾ സന്ദർശിച്ചതിനു പിന്നാലെ അദ്ദേഹത്തെ പ്രകീർത്തിച്ച് ആനന്ദ് ശർമ രംഗത്തു വന്നിരുന്നു. ട്വിറ്ററിലൂടെയായിരുന്നു അദ്ദേഹത്തിന്റെ പ്രതികരണം. എന്നാൽ, കോൺഗ്രസ് വീക്ഷണത്തിന് വിരുദ്ധമായ ട്വീറ്റിനെതിരെ പാർട്ടിയിൽ നിന്നും വ്യാപക വിമർശനമുയർന്നതോടെ ട്വീറ്റ് പിന്നീട് പിൻവലിച്ചു.
പ്രധാനമന്ത്രിയുടെ സന്ദർശനം മുൻനിര കോവിഡ് പോരാളികളുടെ മനോവീര്യം ഉയർത്തുമെന്നുള്ള ഭാഗമാണ് ശർമ പിൻവലിച്ചത്. കോൺഗ്രസ് നേതൃത്വത്തെ വിമർശിച്ച് സോണിയാ ഗാന്ധിക്ക് കത്തെഴുതിയ 23 നേതാക്കളിൽ ഒരാളാണ് രാജ്യസഭാ അംഗവും മുൻ കേന്ദ്രമന്ത്രിയുമായ ആനന്ദ് ശർമ.
Discussion about this post