കുവൈറ്റ് സിറ്റി: തീവ്രവാദ സംഘടനയായ ഐഎസുമായി ബന്ധമുള്ള 6 കുട്ടികളെ അറസ്റ്റ് ചെയ്ത് കുവൈറ്റ് ദേശീയ സുരക്ഷാ വിഭാഗം. ഇവരെ രഹസ്യ വിവരം ലഭിച്ചതിന്റെ അടിസ്ഥാനത്തിലാണ് പിടികൂടിയത്.
ഐഎസ് ഏജന്റുമായി പരിചയപ്പെട്ടത് ഓൺലൈൻ ഗെയിം വഴിയാണെന്ന് മുഖ്യ പ്രതിയായ ബാലൻ അന്വേഷണ ഉദ്യോഗസ്ഥർക്ക് മൊഴി നൽകി. പിടികൂടിയ കുട്ടികളുടെ വീടുകളിൽ നിന്നും തോക്കുകളും, നിരവധി കമ്പ്യൂട്ടറുകളും അന്വേഷണ ഉദ്യോഗസ്ഥർ കണ്ടെടുത്തിട്ടുണ്ട്. മാത്രമല്ല, ഐഎസുമായി ആശയ വിനിമയം നടത്തിയതിന്റെ നിരവധി രേഖകളും പിടിച്ചെടുത്തു.
ഐഎസ് ഏജന്റ് ഇവരുടെ സംഘത്തിലേക്ക് കൂടുതൽ സുഹൃത്തുക്കളെ കൂടി ചേർക്കാൻ കുട്ടികളോട് ആവശ്യപ്പെടുകയും ഇതിനായി സാമ്പത്തിക സഹായം നൽകാമെന്ന് വാഗ്ദാനം ചെയ്യുകയും ചെയ്തിരുന്നുവെന്ന് കുട്ടികൾ പറയുന്നു. കൂടുതൽ അന്വേഷണങ്ങൾക്കും ചോദ്യം ചെയ്യുന്നതിനുമായും കുട്ടികളുടെ കുറ്റകൃത്യങ്ങൾ കൈകാര്യം ചെയ്യുന്ന വിഭാഗത്തിലേക്ക് ഇവരെ കൈമാറിയിരിക്കുകയാണ്.
Discussion about this post