ശ്രീനഗർ: വീട്ടിൽ അനധികൃതമായി ആയുധം സൂക്ഷിച്ചതിന് കശ്മീർ സ്വദേശി അറസ്റ്റിൽ. അവന്തിപൊര സ്വദേശി അമീർ അഷറഫ് ഖാനാണ് ജമ്മു കശ്മീർ പൊലീസിന്റെ പിടിയിലായത്.
വീടിന് സമീപത്ത് പ്ലാസ്റ്റിക് ജാറിൽ ഒളിപ്പിച്ച നിലയിലായിരുന്നു ഗ്രനേഡ് സൂക്ഷിച്ചിരുന്നത്. അഷറഫ് ഖാനെ കസ്റ്റഡിയിൽ എടുത്ത പൊലീസ് ചോദ്യം ചെയ്യൽ തുടരുകയാണ്. ഇയാൾക്ക് ഭീകര സംഘടനകളുമായി ബന്ധമുണ്ടോയെന്നും പൊലീസ് അന്വേഷിച്ചു വരികയാണ്. കശ്മീരിലെ ജില്ലാ വികസന സമിതി തെരഞ്ഞെടുപ്പ് അട്ടിമറിക്കാൻ ശ്രമിച്ച നിരവധി ഭീകരരെ കഴിഞ്ഞ ദിവസങ്ങളിൽ പൊലീസ് പിടികൂടിയിരുന്നു.
അതേസമയം കശ്മീരിൽ ഭീകരർക്കായുള്ള തിരച്ചിൽ സുരക്ഷാ സേന ശക്തമാക്കിയിരിക്കുകയാണ്. നുഴഞ്ഞു കയറ്റക്കാർക്കെതിരെയും പാക് സൈന്യത്തിന്റെ വെടിനിർത്തൽ ലംഘനങ്ങൾക്കെതിരെയും സൈന്യം കർശന ജാഗ്രത പുലർത്തുന്നതായി സൈനിക വൃത്തങ്ങൾ അറിയിക്കുന്നു.
Discussion about this post