ഡൽഹി: ഇന്ത്യൻ കൊവിഡ് വാക്സിനുകൾക്ക് അംഗീകാരം ലഭിച്ച സാഹചര്യത്തിൽ രാജ്യത്തെ ശാസ്ത്രജ്ഞരെയും ഗവേഷകരെയും പ്രധാനമന്ത്രിയെയും അഭിനന്ദിച്ച് കേന്ദ്ര ആഭ്യന്തരമന്ത്രി അമിത് ഷാ. കൊവിഡ് പ്രതിരോധത്തിന് മുൻനിരയിൽ നിന്ന് പ്രവർത്തിച്ച ആരോഗ്യ പ്രവർത്തകരെയും അദ്ദേഹം അഭിനന്ദിച്ചു.
ഇന്ത്യയെ സംബന്ധിച്ച് നിർണ്ണായക നേട്ടമാണ് ഇത്. ഇച്ഛാശക്തിയുള്ള നേതൃത്വത്തിന് വലിയ മാറ്റം കൊണ്ടു വരാൻ സാധിക്കും. പ്രതിസന്ധി ഘട്ടത്തിൽ മാനവികതയ്ക്കായി സഹായഹസ്തം നീട്ടുന്ന ഇന്ത്യയെയാണ് നമ്മൾ കണ്ടത്. പ്രധാനമന്ത്രി നരേന്ദ്ര മോദിയുടെ സ്വയം പര്യാപ്ത ഭാരതം എന്ന ലക്ഷ്യത്തിന് ഊർജ്ജം പകരുന്നതാണ് ഈ അംഗീകാരമെന്നും അദ്ദേഹം ട്വിറ്ററിൽ കുറിച്ചു.
Visionary leadership can make a huge difference.
Time and again, we have seen a New India eager to innovate & help the humanity during crisis. The approval to Made in India vaccines will prove to be a game changer in boosting PM @NarendraModi’s vision of an Aatmanirbhar Bharat.
— Amit Shah (@AmitShah) January 3, 2021
ആവേശകരമായ പോരാട്ടത്തിലെ നിർണ്ണായക വഴിത്തിരിവ് എന്നാണ് പ്രധാനമന്ത്രി നരേന്ദ്ര മോദി ഈ നേട്ടത്തെ വിശേഷിപ്പിച്ചത്. ആരോഗ്യകരമായ, കൊവിഡ് മുക്തമായ രാഷ്ട്രം എന്ന ലക്ഷ്യത്തിലേക്കുള്ള നിർണ്ണായക ചുവടു വയ്പാണ് ഇതെന്നും പ്രധാനമന്ത്രി പറഞ്ഞു. ശാസ്ത്രജ്ഞർക്കും ഗവേഷകർക്കും രാജ്യത്തിനാകെയും നന്ദി അറിയിക്കുന്നതായും പ്രധാനമന്ത്രി ട്വീറ്റ് ചെയ്തിരുന്നു.
Discussion about this post