ടോക്യോ: ഏഴ് വർഷം മുൻപ് മരിച്ചു പോയ പിതാവിന്റെ ചിത്രം ഗൂഗിൾ എർത്തിൽ കണ്ട് വികാരാധീനനായി യുവാവ്. കൊവിഡ് ബാധയുടെ പശ്ചാത്തലത്തിൽ വീട്ടിലിരുന്ന് ബോറടിച്ചപ്പോൾ ഗൂഗിൾ എർത്തിൽ മാതാപിതാക്കളുടെ വീടിരിക്കുന്ന സ്ഥലം തിരഞ്ഞ യുവാവിനാണ് പിതാവിന്റെ ചിത്രം കിട്ടിയത്. പാതയോരത്ത് ആരെയോ കാത്ത് നിൽക്കുന്ന പിതാവിന്റെ ചിത്രമാണ് യുവാവ് ഗൂഗിൾ എർത്തിൽ കണ്ടത്. ടീച്ചർയുഎഫ്ഓ എന്ന ട്വിറ്റർ ഹാൻഡിൽ പങ്ക് വെച്ചിരിക്കുന്ന ചിത്രം വൈറൽ ആകുകയാണ്.
അച്ഛൻ ശാന്തനും സൗമ്യനുമായ വ്യക്തിയായിരുന്നു. അദ്ദേഹം വൈകുന്നേരങ്ങളിൽ പതിവായി വഴിയരികിൽ അമ്മ മടങ്ങി വരുന്നതും കാത്ത് നിൽക്കാറുണ്ടായിരുന്നു. ജോലി കഴിഞ്ഞ് മടങ്ങി വരുന്ന അമ്മയോടൊപ്പം സന്തോഷത്തോടെ അദ്ദേഹം വീട്ടിനുള്ളിലേക്ക് പോകാറുണ്ടായിരുന്നെന്നും യുവാവ് പറയുന്നു. ഗൂഗിൾ എർത്തിൽ സ്ഥലത്തിന്റെ ചിത്രം അപ്ഡേറ്റ് ചെയ്യാത്തത് കൊണ്ടാവാം തനിക്ക് പിതാവിന്റെ ചിത്രം വീണ്ടും കാണാൻ സാധിച്ചതെന്നും യുവാവ് പറയുന്നു.
നേരത്തെ ബോറടി മാറ്റാൻ ഗൂഗിൾ എർത്തിൽ സ്വന്തം സ്ഥലം തിരഞ്ഞ മറ്റൊരു യുവാവിന് ഭാര്യയുടെ രഹസ്യകാമുകനെ പിടികൂടാൻ സാധിച്ച വാർത്തയും ശ്രദ്ധേയമായിരുന്നു. ഗൂഗിൾ എർത്തിൽ മരച്ചുവട്ടിൽ ഭാര്യയുടെ മടിയിൽ മറ്റൊരാൾ കിടക്കുന്നത് കണ്ട് ഞെട്ടിയ യുവാവിന്റെ ചോദ്യം ചെയ്യലിൽ രഹസ്യ കാമുകനെ കുറിച്ചുള്ള വിവരം യുവതി സമ്മതിക്കുകയായിരുന്നു.
Discussion about this post