ഡൽഹി: ചരിത്രത്തിലേക്ക് പറന്നിറങ്ങി എയർ ഇന്ത്യയുടെ ‘കേരള‘ ബോയിങ് 777 200 ലോങ് റേഞ്ച് വിമാനം. എയർ ഇന്ത്യയുടെ നേരിട്ടുള്ള ഏറ്റവും ദൈർഘ്യമേറിയ ആദ്യത്തെ സർവീസ്, വനിതാ വൈമാനികരേയും കൊണ്ട് മാത്രം ഉത്തരധ്രുവം കടക്കുന്ന ആദ്യ കോക്പിറ്റ് ക്രൂ എന്നീ സവിശേഷതകൾ ഇനി ഈ വിമാനത്തിന് സ്വന്തം.
സാൻഫ്രാൻസിസ്കോയിൽ നിന്ന് ബംഗലൂരു വിമാനത്താവളത്തിലേക്ക് ചരിത്രം കുറിച്ച് പറന്നിറങ്ങിയ വിമാനത്തെ ആകാശങ്ങളിൽ നിയന്ത്രിച്ച വനിതാ വൈമാനികരായ സോയ അഗർവാൾ, പാപാഗിരി തൻമയി, അകാക്ഷ സോനവാരെ, ശിവാനി മാനസ് എന്നിവരെ പ്രശംസ കൊണ്ട് മൂടുകയാണ് രാജ്യം. പതിനാലായിരം കിലോമീറ്റർ ദൈർഘ്യം വരുന്ന യാത്രയിൽ ഫ്ലൈറ്റ് സേഫ്റ്റി എക്സിക്യൂട്ടീവും ഒരു വനിതയായിരുന്നു. നിവേദിത ഭാസിനായിരുന്നു ആ ചുമതല.
ആഘോഷഭരിതമായ അന്തരീക്ഷത്തിലായിരുന്നു വിമാനം സാൻഫ്രാൻസിസ്കോ വിമാനത്താവളത്തിൽ നിന്നും യാത്ര ആരംഭിച്ചത്. വിമാനത്തിന്റെ കോക്പിറ്റ് സംഘത്തെ അഭിനന്ദിക്കുന്നതായി കേന്ദ്ര വ്യോമയാന മന്ത്രി ഹർദീപ് സിംഗ് പുരി പറഞ്ഞു. നമ്മുടെ നാരീശക്തി ചരിത്രം കുറിച്ചുവെന്ന് അദ്ദേഹം ട്വീറ്റ് ചെയ്തു.
Way to go girls!
Professional, qualified & confident, the all women cockpit crew takes off from San Francisco to Bengaluru on @airindiain's flight to fly over North Pole.
Our Nari Shakti achieves a historic first. pic.twitter.com/X46cs73dQu— Hardeep Singh Puri (मोदी का परिवार) (@HardeepSPuri) January 10, 2021
