രാമക്ഷേത്ര നിർമ്മാണത്തിന് വൻ തുക സംഭാവന; കോൺഗ്രസിനെ ഞെട്ടിച്ച് ദ്വിഗ്വിജയ് സിംഗ്

ഡൽഹി: അയോധ്യയിലെ രാമക്ഷേത്ര നിർമ്മാണത്തിന് വൻ തുക സംഭാവന നൽകി കോൺഗ്രസ് നേതാവ് ദിഗ്വിജയ് സിംഗ്. 1,11,111 രൂപയാണ് അദ്ദേഹം ക്ഷേത്ര നിർമ്മാണത്തിന് സംഭാവന നൽകിയത്. ശ്രീ രാമ ജന്മഭൂമി തീർത്ഥ ക്ഷേത്ര ട്രസ്റ്റിന്റെ പേരിൽ ചെക്കായാണ് ദിഗ്വിജയ് സിംഗ് സംഭാവന നൽകിയത്.

രാമക്ഷേത്ര നിർമ്മാണത്തിനായി സംഭാവന നൽകിയത് തന്റെ വ്യക്തിപരമായ താത്പര്യമായി കണക്കാക്കണമെന്ന് ദ്വിഗ്വിജയ് സിംഗ് അഭ്യർത്ഥിച്ചു. കോൺഗ്രസ് ജനറൽ സെക്രട്ടറിയും എം പിയുമാണ് അദ്ദേഹം.

അതേസമയം രാമക്ഷേത്ര നിർമ്മാണത്തിനായി ഇതിനോടകം 100 കോടിയോളം രൂപ സംഭാവനയായി ലഭിച്ചതായി ശ്രീരാമജന്മ ഭൂമി തീർത്ഥ ക്ഷേത്ര ട്രസ്റ്റ് അറിയിച്ചു. രാമക്ഷേത്ര ധനസമാഹരണ സംഘത്തിനു നേരെ നടക്കുന്ന അതിക്രമങ്ങളിൽ ആശങ്കയുണ്ടെന്നും ദ്വിഗ്വിജയ് സിംഗ് പ്രധാനമന്ത്രി നരേന്ദ്ര മോദിയെ കത്തിലൂടെ അറിയിച്ചു.