‘രാജ്യം കടപ്പെട്ടിരിക്കുന്നു‘ ;രക്തസാക്ഷി ദിനത്തിൽ മഹാത്മാഗാന്ധിയെ അനുസ്മരിച്ച് രാഷ്ട്രപതിയും ഉപരാഷ്ട്രപതിയും

ഡൽഹി: രാഷ്ട്രപിതാവ് മഹാത്മാ ഗാന്ധിയുടെ എഴുപത്തിമൂന്നാം രക്ത്സാക്ഷിത്വ ദിനത്തിൽ അനുസ്മരണവുമായി രാഷ്ട്രപതി രാമ്നാഥ് കോവിന്ദ്. രാജ്യം മഹാത്മാവിനോട് കടപ്പെട്ടിരിക്കുന്നുവെന്നും സമാധാനം, അക്രമ രാഹിത്യം, ലാളിത്യം, വിശുദ്ധി, വിനയം എന്നി ഗുണങ്ങൾക്ക് ഏവരും അദ്ദേഹത്തെ മാതൃകയാക്കണമെന്നും രാഷ്ട്രപ്തി ട്വീറ്റ് ചെയ്തു.

On behalf of a grateful nation, my humble tributes to the Father of the Nation, Mahatma Gandhi who embraced martyrdom this day. We should adhere to his ideals of peace, non-violence, simplicity, purity of means and humility. Let us resolve to follow his path of truth and love.

— President of India (@rashtrapatibhvn) January 30, 2021

‘നമ്മുടെ മഹത്തായ രാഷ്ട്രത്തിന്റെ പേരിൽ രാഷ്ട്രപിതാവിന് എന്റെ വിനയാന്വിതമായ ആദരം. അദ്ദേഹത്തിന്റെ ആദർശങ്ങളായ സമാധാനം, അക്രമ രാഹിത്യം, ലാളിത്യം, വിശുദ്ധി, വിനയം എന്നിവ നാം ജീവിതത്തിൽ പാലിക്കണം. സത്യം, സ്നേഹം തുടങ്ങിയ അദ്ദേഹത്തിന്റെ മാതൃകകൾ നമുക്ക് പിന്തുടരാം‘. രാഷ്ട്രപതി ട്വിറ്ററിൽ കുറിച്ചു.

ഉപരാഷ്ട്രപതി വെങ്കൈയ്യ നായിഡുവും രക്തസാക്ഷി ദിനത്തിൽ ഗാന്ധിജിയെ അനുസ്മരിച്ചു. അഹിംസയാണ് പരമമായ കർത്തവ്യം. അത് പൂർണ്ണമായി പാലിക്കാൻ നമുക്ക് സാധിച്ചില്ലെങ്കിലും അതിന്റെ ആത്മാവും അനിവാര്യതയും ഉൾക്കൊണ്ട് അക്രമത്തിൽ നിന്നും അകലം പാലിക്കാൻ നമുക്ക് സാധിക്കണം. രാഷ്ട്രപിതാവ് മഹാത്മാ ഗാന്ധിക്ക് അദ്ദേഹത്തിന്റെ ചരമ വർഷികത്തിൽ എന്റെ ആദരാഞ്ജലികൾ. ഉപരാഷ്ട്രപതി ട്വീറ്റ് ചെയ്തു.