ഡൽഹി: കാർഷിക നിയമങ്ങൾ പിൻവലിക്കില്ലെന്ന് ആവർത്തിച്ച് പ്രധാനമന്ത്രി നരേന്ദ്ര മോദി. രാജ്യത്തെ കർഷകർക്ക് വേണ്ടിയുള്ളതാണ് കാർഷിക നിയമങ്ങൾ. കാർഷികോത്പന്നങ്ങൾ രാജ്യത്ത് എവിടെയും വിൽക്കാനുള്ള സ്വാതന്ത്യമാണ് നിയമങ്ങളിലൂടെ കർഷകർക്ക് ലഭിക്കുന്നതെന്നും പ്രധാനമന്ത്രി വ്യക്തമാക്കി.
അതിനിടെ കർഷക സമരത്തിന്റെ മറവിൽ രാജ്യത്തെ അപമാനിക്കാൻ ശ്രമിക്കുന്ന വിദേശികൾക്കെതിരെ പ്രതിഷേധം ശക്തമാകുകയാണ്. ഇന്ത്യ ടുഗതർ ഹാഷ്ടാഗ് ക്യാമ്പയിനിൽ കലാ-സാംസ്കാരിക-രാഷ്ട്രീയ രംഗങ്ങളിലെ പ്രമുഖർ അണിചേർന്നു. ബോളിവുഡ് താരങ്ങളായ അക്ഷയ് കുമാർ, കങ്കണ റണാവത്ത്, അജയ് ദേവ്ഗൺ, സുനിൽ ഷെട്ടി തുടങ്ങിയവർ രാജ്യത്തെ അപമാനിക്കുന്നവർക്കെതിരെ രംഗത്തെത്തി.
ലതാ മങ്കേഷ്കർ, കായിക താരങ്ങളായ പി ടി ഉഷ, സച്ചിൻ തെണ്ടുൽക്കർ, അനിൽ കുംബ്ലെ, വിരാട് കോഹ്ലി, അജിങ്ക്യ രഹാനെ, രോഹിത് ശർമ്മ, എഴുത്തുകാരൻ ചേതൻ ഭഗത് എന്നിവരും രാജ്യത്തിന് വേണ്ടി ഒരുമിച്ച് നിൽക്കാൻ ആഹ്വാനം ചെയ്തു.
Discussion about this post