കൊല്ലം: ശൗചാലയത്തിന്റെ ഫണ്ടിൽ പോലും അഴിമതി നടത്തുന്ന സിപിഎമ്മിനെതിരെ പ്രതിഷേധം ശക്തമാകുന്നു. കൊല്ലം കൊട്ടാരക്കര വെട്ടിക്കവല ബ്ലോക്ക് പഞ്ചായത്തിന്റെ ഫണ്ട് ഉപയോഗിച്ച് നിർമ്മിച്ച ശൗചാലയം രണ്ട് മാസം പൂർത്തിയാകുന്നതിനിടെ തകർന്നു. സംഭവത്തിൽ അഴിമതി ആരോപിച്ച് പ്രതിഷേധവുമായി ബിജെപി രംഗത്തെത്തി.
ഉമ്മന്നൂർ ഗ്രാമപഞ്ചായത്തിലെ മരങ്ങാട്ടുകോണം വൈ എം എ ലൈബ്രറിയോട് ചേർന്നായിരുന്നു ശൗചാലയം നിർമ്മിച്ചത്. ബ്ലോക്ക് മെമ്പർ അഡ്വക്കേറ്റ് പി കെ ജോൺസന്റെ ഫണ്ടിൽ നിന്നും 1,75,000 രൂപ മുടക്കിയാണ് ശൗചാലയം നിർമ്മിച്ചത് എന്നാണ് ഇടത് പക്ഷം അവകാശപ്പെടുന്നത്. ഇത്രയും വലിയ തുക മുടക്കി നിർമ്മിച്ച ശൗചാലയം ഇത്ര വേഗം പൊളിഞ്ഞത് എങ്ങനെയാണ് എന്നാണ് നാട്ടുകാർ ചോദിക്കുന്നത്.
സംഭവത്തിൽ പ്രതിഷേധം ശക്തമാക്കാനൊരുങ്ങുകയാണ് ബിജെപി. സംഭവത്തിൽ ഗ്രന്ഥശാല ഭാരവാഹികളും എൽഡിഎഫ് നേതാക്കളും ഒത്തുകളിച്ചതായി ബിജെപി ആരോപിക്കുന്നു. കക്കൂസ് ഫണ്ടിൽ നിന്ന് പോലും കൈയ്യിട്ടുവാരിയ സഖാക്കൾക്കും വായനശാല ഭരണസമിതിക്കുമെതിരെ ജനകീയ പ്രതിഷേധത്തിന് ബിജെപി ആഹ്വാനം ചെയ്തു.
Discussion about this post