ചണ്ഡിഖഡ് : ബ്ലാക്ക് ഫംഗസ് ബാധയെ തുടര്ന്ന് ചികിത്സയിലായിരുന്ന ഹരിയാന മുന് മന്ത്രിയും മുതിര്ന്ന ബി ജെ പി നേതാവുമായിരുന്ന കമല വര്മ (93) അന്തരിച്ചു. കൊവിഡ് മുക്തയായ ശേഷമാണ് കമല വര്മക്ക് ബ്ലാക്ക് ഫംഗസ് ബാധിച്ചത്. ആരോഗ്യസ്ഥിതി ഗുരുതരമായതിനെ തുടര്ന്ന് ചൊവ്വാഴ്ച വൈകുന്നേരത്തോടെയാണ് മരണം.
കമല വര്മയുടെ മരണത്തില് ഹരിയാന മുഖ്യമന്ത്രി മനോഹര് ലാല് ഖട്ടര് ഖേദം രേഖപ്പെടുത്തി. ‘കമല വര്മയുടെ നിര്യാണത്തോടെ ഒരു യുഗം അവസാനിച്ചു’- അദ്ദേഹം ട്വീറ്റ് ചെയ്തു. 1977 ല് ഹരിയാനയിലെ യമുനാനഗറില്നിന്ന് എംഎല്എയായി തിരഞ്ഞെടുക്കപ്പെട്ട കമല വര്മ 1977, 1987, 1996 വര്ഷങ്ങളില് കാബിനറ്റ് മന്ത്രിയായി സേവനമനുഷ്ഠിച്ചു.
