തൃശ്ശൂർ : സ്വകാര്യ ആശുപത്രിയുടെ സഹകരണത്തോടെ സ്വകാര്യ അപാർട്മെന്റിൽ നടന്ന വാക്സിനേഷൻ ക്യാമ്പിൽ വാക്സീന് കൂടുതൽ തുക ഈടാക്കുന്നെന്ന വിവരം അറിഞ്ഞതിനെ തുടർന്നായിരുന്നു ആരോഗ്യവകുപ്പിന്റെ ഇടപെടൽ. വാക്സിനേഷൻ ക്യാമ്പിൽ കൊവിഷീൽഡ് വാക്സീന് 1350 രൂപയാണ് ഈടാക്കിയത്. ഇതിനെതിരായാണ് ആരോഗ്യവകുപ്പ് നടപടി. സർക്കാർ നിരക്കിൽ വാക്സീൻ നൽകാൻ ആരോഗ്യവകുപ്പ് നിർദ്ദേശം നൽകി.
780 രൂപയാണ് സ്വകാര്യ ആശുപത്രികൾക്ക് വാക്സീൻ നൽകാൻ സർക്കാർ നിശ്ചയിച്ച നിരക്ക് എന്നാൽ ഇതിനു പകരം 1350 രൂപയാണ് ഈടാക്കിയതോടെയാണ് ആരോഗ്യവകുപ്പ് ഇടപെട്ടത്. ആരോഗ്യവകുപ്പ് ഇടപെടലിന് പിന്നാലെ പുതുക്കിയ നിരക്കിൽ വാക്സീൻ വിതരണം തുടർന്നു.
Discussion about this post