മോസ്കോ: ഏറ്റുമുട്ടലുകളിലൂടെ പുതിയ പ്രദേശങ്ങള് പിടിച്ചെടുക്കുകയും അമേരിക്കന് സേന പിന്മാറുകയും ചെയ്തതോടെ അഫ്ഗാനിസ്ഥാന്റെ 85 ശതമാനം പ്രദേശങ്ങളും തങ്ങളുടെ നിയന്ത്രണത്തിലായെന്ന് ഭീകര സംഘടനയായ താലിബാന് വ്യക്തമാക്കി.മോസ്കോയില് വെച്ച് സംഘടനയുടെ ഒരു മുതിര്ന്ന നേതാവാണ് ഇതു സംബന്ധിച്ച പ്രഖ്യാപനം നടത്തിയത്.
അഫ്ഗാനിസ്ഥാന്റെ 421-ല് അധികം ജില്ലകളും താലിബാന്റെ നിയന്ത്രണത്തിലാണെന്നാണ് അവകാശവാദമുന്നയിക്കുന്നുണ്ടെങ്കിലും ഇക്കാര്യത്തില് സ്ഥിരീകരണമൊന്നും ഉണ്ടായിട്ടില്ല. താലിബാന്റെ പ്രഖ്യാപനം സംബന്ധിച്ച് അഫ്ഗാന് സര്ക്കാരില്നിന്ന് പ്രതികരണവും പുറത്തുവന്നിട്ടില്ല. എന്നാല് അഫ്ഗാനില് താലിബാന്റെ മേധാവിത്തം ശക്തമാകുന്നതായി അന്താരാഷ്ട്ര മാധ്യമങ്ങള് റിപ്പോര്ട്ട് ചെയ്തിരുന്നു.
അഫ്ഗാന് ജനങ്ങള്ക്ക് അവരുടെ രാജ്യത്തിന്റെ ഭാവി തീരുമാനിക്കുന്നതിനും ഭരണം എങ്ങനെയായിരിക്കണമെന്ന് തീരുമാനിക്കുന്നതിനും പൂര്ണ സ്വാതന്ത്ര്യം ഉണ്ടെന്നും, ഒരു രാഷ്ട്രം നിര്മ്മിച്ചു നല്കുന്ന ഉത്തരവാദിത്വം അമേരിക്കക്ക് ഏറ്റെടുക്കുവാന് കഴിയുകയില്ലെന്നും, അഫ്ഗാന് മണ്ണില് നിന്ന് അമേരിക്ക തങ്ങളുടെ സൈന്യത്തെ പൂര്ണമായും പിന്വലിക്കുകയാണെന്നും അമേരിക്കന് പ്രസിഡന്റ് ജോ ബൈഡന് പ്രഖ്യാപിച്ചിരുന്നു. 20 വര്ഷമായി തുടരുന്ന അമേരിക്കന് സേനയെയാണ് ബൈഡന് പിന്വലിക്കുന്നത്. അഫ്ഗാനിസ്ഥാനില് നിന്നുള്ള സേന പിന്മാറ്റം അതിവേഗം പുരോഗമിച്ചു കൊണ്ടിരിക്കുകയാണെന്നും ആഗസ്ത് 31 ന് അവസാന സൈനികനും അഫ്ഗാന് വിടുമെന്നും ബൈഡന് കഴിഞ്ഞ ദിവസം വ്യക്തമാക്കി.
അമേരിക്കയുടെ പിന്മാറ്റത്തോടെ ആഗോള ശക്തികള് താലിബാനുമായുളള ആശയവിനിമയം ആരംഭിച്ചിരുന്നു, അതിനനുസരിച്ച് താലിബാന് കീഴിലുളള പ്രദേശങ്ങള് വികസിക്കുകയും ചെയ്തു. ഇതോടൊപ്പം അഫ്ഗാനിസ്ഥാനിലെ സുരക്ഷ സാഹചര്യങ്ങള് വഷളാവുകയും ചെയ്തു. താലിബാന്റെ ആക്രമണം ഭയന്ന് അഫ്ഗാന് ഉദ്യോഗസ്ഥര് പോലും സര്ക്കാരിന്റെ നിയന്ത്രണത്തിലുളള പ്രദേശങ്ങളില് നിന്നുളള പാലായനം ആരംഭിച്ചതായും അഫ്ഗാന് സുരക്ഷാ ഉദ്യോഗസ്ഥര് പോലും താലിബാനില് ചേര്ന്ന സംഭവങ്ങളുണ്ടായതായും റിപ്പോര്ട്ടുകളുണ്ടായിരുന്നു.
അഫ്ഗാനിസ്ഥാനില് നിന്ന് ഉന്നതോദ്യോഗസ്ഥരെയും മറ്റു പൗരന്മാരെയും ഒഴിപ്പിക്കുമെന്ന് ഇന്ത്യയും പ്രഖ്യാപിച്ചിട്ടുണ്ട്. ഇതുമായി ബന്ധപ്പെട്ട പദ്ധതികള് ആസൂത്രണം ചെയ്തതായും കേന്ദ്രസര്ക്കാര് വൃത്തങ്ങള് അറിയിച്ചു. അഫ്ഗാനിസ്ഥാനിലെ നിലവിലെ സാഹചര്യത്തില് ഇന്ത്യന് എംബസികള്ക്കും കോണ്സുലേറ്റുകള്ക്കും അവിടെ പ്രവര്ത്തിക്കാനാകാത്ത സാഹചര്യമാണെന്ന് കേന്ദ്രസര്ക്കാരുമായി ബന്ധപ്പെട്ട വൃത്തങ്ങള് പറഞ്ഞു. അഫ്ഗാനിസ്ഥാനിലെ കാബുള്, കാണ്ഡഹാര്, മസര് ഇ ഷരീഫ് എന്നിവിടങ്ങളിലുളള ഇന്ത്യന് ഉദ്യോഗസ്ഥരെ തിരിച്ചു വിളിച്ചുകൊണ്ടിരിക്കുകയാണ്,
Discussion about this post