ലണ്ടൻ: തിങ്കളാഴ്ച ലോക്ക്ഡൗൺ പൂർണ്ണമായും പിൻവലിക്കാനിരിക്കെ യു കെയിൽ കൊവിഡ് ബാധിതരുടെ എണ്ണത്തിൽ വൻ വർദ്ധന. കഴിഞ്ഞ 24 മണിക്കൂറിനിടെ 51,870 പേർക്ക് രോഗബാധ റിപ്പോർട്ട് ചെയ്തു. കഴിഞ്ഞ ജനുവരിക്ക് ശേഷമുണ്ടാകുന്ന ഏറ്റവും ഉയർന്ന പ്രതിദിന രോഗബാധയാണിത്.
കഴിഞ്ഞ 24 മണിക്കൂറിനിടെ 49 കൊവിഡ് മരണങ്ങളും രാജ്യത്ത് റിപ്പോർട്ട് ചെയ്തു. ഇതോടെ യു കെയിൽ ആകെ രോഗം ബാധിച്ച് മരിച്ചവരുടെ എണ്ണം 128,642 അയി.
ഇംഗ്ലണ്ടിൽ ലോക്ക്ഡൗൺ പൂർണ്ണമായി നീക്കുന്നതിന്റെ ഭാഗമായി തിങ്കളാഴ്ച നടപടികൾ പൂർണ്ണമാക്കാനിരിക്കെയാണ് രോഗികളുടെ എണ്ണത്തിൽ റെക്കോർഡ് വർദ്ധനവുണ്ടായിരിക്കുന്നത്. ഈ സാഹചര്യത്തിൽ ലോക്ക്ഡൗൺ പൂർണ്ണമായി നീക്കുന്നത് ഗുരുതരമായ പ്രത്യാഘാതങ്ങൾക്ക് കാരണമാകുമെന്ന് ശാസ്ത്രജ്ഞർ മുന്നറിയിപ്പ് നൽകുന്നു.
Discussion about this post