മുംബൈ: ഇന്ത്യക്ക് സ്വാതന്ത്ര്യം കിട്ടിയത് എന്നെന്ന് പോലും മഹാരാഷ്ട്ര മുഖ്യമന്ത്രിക്ക് അറിയില്ല എന്ന പ്രസ്താവനയിൽ കേന്ദ്ര മന്ത്രി നാരായൺ റാണെക്കിതിരെ കേസെടുത്ത് മഹാരാഷ്ട്ര പൊലീസ്. ശിവസേന യുവജന വിഭാഗത്തിന്റെ പരാതിയിൽ പൂനെയിലെ ചതുർശൃംഗി പൊലീസാണ് കേസെടുത്തിരിക്കുന്നത്. സമാനമായ പരാതിയിൽ നാസിക്കിലും നാരായൺ റാണെക്കെതിരെ കേസെടുത്തു.
‘മഹാരാഷ്ട്ര മുഖ്യമന്ത്രിക്ക് ഇന്ത്യയ്ക്ക് സ്വാതന്ത്ര്യം കിട്ടിയ വർഷം പോലും അറിയില്ല്. ഇത് അപമാനകരമാണ്. തന്റെ പ്രസംഗത്തിനിടെ, ഇന്ത്യക്ക് സ്വാതന്ത്ര്യം കിട്ടിയിട്ട് എത്ര വർഷമായെന്ന് അറിയാൻ അദ്ദേഹം പിന്നിലേക്ക് തിരിഞ്ഞ് നോക്കി. ഇത് അപമാനകരമാണ്. ഞാൻ അവിടെ ഉണ്ടായിരുന്നെങ്കിൽ അപ്പോൾ അദ്ദേഹത്തെ തല്ലുമായിരുന്നു.‘ ഇതാണ് റാണെയുടെ പരാമർശം. റായ്ഗഢിലെ ‘ജൻ ആശീർവാദ് യാത്ര‘ക്കിടെ സംസാരിക്കുകയായിരുന്നു അദ്ദേഹം.
നേരത്തെ ശിവസേന അംഗമായിരുന്നു നാരായൺ റാണെ. ശിവസേനയുടെ ഹിന്ദുത്വ വിരുദ്ധ നയങ്ങളിൽ പ്രതിഷേധിച്ച് അദ്ദേഹം ബിജെപിയിൽ ചേരുകയായിരുന്നു. നാരായൺ റാണെയെ കേന്ദ്ര മന്ത്രിസഭയിൽ നിന്ന് പുറത്താക്കണമെന്നാണ് ശിവസേനയുടെ ആവശ്യം.
Discussion about this post