കുപ് വാര: ജമ്മു കശ്മീരില്‍ മൂന്നിടത്ത് തീവ്രവാദികളും സുരക്ഷാസേനയും തമ്മില്‍ ഉണ്ടായ ഏറ്റുമുട്ടലില്‍ നാല് സുരക്ഷാ സേനാംഗങ്ങള്‍ കൊല്ലപ്പെട്ടു. ഒരു തീവ്രവാദിയെ സൈന്യം കൊലപ്പെടുത്തി. കുപ് വാര, ദര്‍പോറ, ഹന്ദ് വാര എന്നിവിടങ്ങളിലായിരുന്നു വെടിവെപ്പ്.
രാവിലെ ദര്‍പോറയില്‍ നടന്ന ഏറ്റുമുട്ടലിലാണ് ഒരു തീവ്രവാദിയെ സൈന്യം വധിച്ചത്. അതിര്‍ത്തി ജില്ലയായ കുപ് വാരയില്‍ നിയന്ത്രണരേഖക്ക് സമീപം ഹഫ്രുദ വനത്തിലാണ് രണ്ടാമത്തെ ഏറ്റുമുട്ടല്‍ നടന്നത്. നുഴഞ്ഞു കയറാന്‍ തീവ്രാവദികള്‍ നടത്തിയ ശ്രമം തകര്‍ത്തതായി മുതിര്‍ന്ന സൈനിക ഓഫീസര്‍ അറിയിച്ചു.
ഹന്ദ് വാരയില്‍ നടന്ന ഏറ്റുമുട്ടലിലാണ് നാല് സൈനികര്‍ കൊല്ലപ്പെട്ടത്. അതിര്‍ത്തിയില്‍ ഏറ്റുമുട്ടല്‍ ഇപ്പോഴും തുടരുകയാണ്.
Discussion about this post