തിരുവനന്തപുരം: പാലാ ബിഷപ്പിനെതിരെ കേസെടുക്കുന്നത് സര്‍ക്കാര്‍ ആലോചിക്കുന്നില്ലെന്ന് മുഖ്യമന്ത്രി പിണറായി വിജയന്‍. സമൂഹത്തിന്‍റെ ഐക്യം നിലനിര്‍ത്താനുള്ള ശ്രമങ്ങളാണ് എല്ലാവരില്‍ നിന്നും ഉണ്ടാകേണ്ടതുണ്ട്. അതിന് വിരുദ്ധമായ നീക്കം ആരുടെ ഭാഗത്ത് നിന്നും ഉണ്ടാവരുതെന്നും മുഖ്യമന്ത്രി പറഞ്ഞു.
സമൂഹത്തിന്‍റെ ഐക്യം നിലനില്‍ക്കണമെന്നാണ് ഭൂരിപക്ഷം പേരും ആഗഹിക്കുന്നത്. നാര്‍ക്കോട്ടിക് മാഫിയയെ കുറിച്ചും ആര്‍ക്കും അറിയാത്തതല്ല. മാഫിയക്ക് മതചിഹ്നം നല്‍കാന്‍ പാടില്ല. പ്രശ്നം പരിഹരിക്കാന്‍ ചര്‍ച്ച നടത്തേണ്ടതുണ്ടെങ്കില്‍ അത് പരിശോധിക്കും. എന്നാല്‍, വിദ്വേഷപ്രചാരണം നടത്തുന്നതില്‍ ചര്‍ച്ചയുടെ ആവശ്യമില്ല. അവര്‍ക്കെതിരെ പൊലീസിന്‍റെ കര്‍ശന നടപടിയുണ്ടാവുമെന്നും മുഖ്യമന്ത്രി പറഞ്ഞു.
ആഭിചാരം വഴി സ്ത്രീകളെ വശീകരിക്കാമെന്ന താമരശ്ശേരി രൂപതയുടെ കൈപുസ്തകം സംബന്ധിച്ചും മുഖ്യമന്ത്രി പ്രതികരിച്ചു. അതൊക്കെ നാടുവാഴിത്ത കാലത്തുള്ള രീതിയാണെന്നും ശാസ്ത്രയുഗമായ ഇക്കാലത്ത് ഇത്തരം കാര്യങ്ങള്‍ ചെലവാകില്ലെന്നുമാണ് മുഖ്യമന്ത്രി പറയുന്നത്.
Discussion about this post