പ്രണയബന്ധത്തില് നിന്ന് പിന്മാറിയ പെണ്കുട്ടിയ്ക്ക് നേരെ കാമുകന്റെ അതിക്രമം. കോട്ടയത്താണ് സംഭവം. വിദേശത്ത് ഉപരിപഠനത്തിന് പോകുന്നതിനെ തുടര്ന്ന് പ്രണയം അവസാനിപ്പിച്ച പെണ്കുട്ടിയ്ക്ക് നേരെയാണ് കാമുകന്റെ അതിക്രമം.
സംഭവത്തില് കോട്ടയം എരുമേലി സ്വദേശി ആഷിഖ് പൊലീസ് അറസ്റ്റിലായി. പെണ്കുട്ടിയെ വീട്ടില് കയറി മര്ദ്ദിച്ചതിനും ഭീഷണിപ്പെടുത്തിയതിനുമാണ് അറസ്റ്റ്.
ഞായറാഴ്ച ഉച്ചകഴിഞ്ഞ് മൂന്നര മണിയോടെയാണ് ആഷിഖ് പെണ്കുട്ടിയെ വീട്ടില് അതിക്രമിച്ച് കയറി മര്ദ്ദിച്ചത്. പത്തനംതിട്ട വെച്ചൂച്ചിറ വെണ്കുറിഞ്ഞി സ്വദേശിയായ 23 വയസ്സുള്ള യുവതിക്കാണ് മര്ദ്ദനമേറ്റത്. പെണ്കുട്ടിയും ആഷിഖും സ്കൂള് കാലഘട്ടം മുതല് പ്രണയത്തിലായിരുന്നു എന്നാണ് പോലീസ് പറയുന്നത്. എന്നാല് പ്രണയം അവസാനിപ്പിക്കാമെന്ന് യുവതി പറഞ്ഞതോടെയാണ് പ്രശ്നങ്ങള് തുടങ്ങിയത്.
പെണ്കുട്ടി യു.കെയില് ഉപരിപഠനത്തിന് പോകാന് തീരുമാനിച്ചപ്പോള് പാസ്പോര്ട്ട് എടുക്കാനായി 1500 രൂപ നല്കിയത് ആഷിഖ് ആയിരുന്നു. എന്നാല് യാത്രയ്ക്ക് ദിവസം അടുത്ത് വന്നതോടെ തനിക്ക് ബന്ധം തുടരാന് താത്പര്യമില്ലെന്ന് പെണ്കുട്ടി അറിയിച്ചതോടെയാണ് യുവാവ് പ്രകോപിതനായത്.
Discussion about this post