ശ്രീനഗര്: ഇന്ത്യയില് നിന്നുള്ള വിമാനങ്ങള്ക്ക് വ്യോമപാത നിഷേധിച്ച് പാകിസ്ഥാന്. ജമ്മു കശ്മീരിലെ ശ്രീനഗറില് നിന്ന് പാകിസ്ഥാന് വഴി ഷാര്ജയിലേക്ക് പുറപ്പെടുന്ന വിമാനങ്ങള്ക്കാണ് പാകിസ്ഥാന് സര്ക്കാര് വ്യോമപാത നിഷധിച്ചത്. പാകിസ്താന്റെ നടപടി ശ്രീനഗറില് നിന്നുള്ള യാത്രികര്ക്ക് കനത്ത തിരിച്ചടി സൃഷ്ടിക്കും. ഇതിനെതിരെ വ്യാപകമായ പ്രതിഷേധമാണ് ഉയര്ന്നത്.
നിര്ഭാഗ്യകരമായ സംഭവമെന്ന് ജമ്മു കശ്മീര് മുന് മുഖ്യമന്ത്രി ഒമര് അബ്ദുള്ള ട്വീറ്റ് ചെയ്തു. 2009-10 കാലയളവില് എയര് ഇന്ത്യ എക്സ്പ്രസ് വിമാനത്തിനും സമാനമായ നിലയില് പാകിസ്ഥാന് വ്യോമപാത അനുവദിച്ചിരുന്നില്ലെന്നും ട്വീറ്റില് പറയുന്നു. പാകിസ്താന്റെ വ്യോമപാത ഒഴിവാക്കി പറക്കുകയാണെങ്കില് ഉദയ്പുര്, അഹമ്മദാബാദ്, ഒമാന് വഴി ഷാര്ജയിലേക്ക് പറക്കേണ്ടി വരും. ഒരു മണിക്കൂര് അധിക യാത്ര വരുന്നതിനാല് ഇതിന് ചിലവേറും.
നേരത്തെ ജി20 ഉച്ചകോടിയില് പങ്കെടുക്കുന്നതിന് ഇറ്റലിയില് പോകാന് പ്രധാനമന്ത്രി നരേന്ദ്രമോദി സഞ്ചരിച്ച വിമാനത്തിന് പാകിസ്ഥാന് വ്യോമപാത അനുവദിച്ചിരുന്നു. വിദേശപര്യടനം പൂര്ത്തിയാക്കി മോദി നാട്ടിലേക്ക് മടങ്ങിവന്നതും പാകിസ്ഥാന്റെ വ്യോമപാത ഉപയോഗിച്ചാണ്.
കഴിഞ്ഞ ആഴ്ച ജമ്മു കശ്മീരില് സന്ദര്ശനം നടത്തിയ ആഭ്യന്തര മന്ത്രി അമിത് ഷായാണ് ആദ്യ ശ്രീനഗര്-ഷാര്ജ വിമാന സര്വീസിന് ഫ്ളാഗ് ഓഫ് ചെയ്തത്. 11 വര്ഷത്തിന് ശേഷമാണ് ശ്രീനഗറില് നിന്നുള്ള അന്തരാഷ്ട്ര വിമാന സര്വീസ് പുനരുജ്ജീവിപ്പിച്ചത്. 2009-ല് ശ്രീനഗറില് നിന്ന് ദുബായിലേക്ക് എയര്ഇന്ത്യ എക്സ്പ്രസ് ആദ്യ അന്താരാഷ്ട്ര സര്വീസ് നടത്തിയിരുന്നു. പിന്നീടത് നിര്ത്തലാക്കപ്പെട്ടു.
Discussion about this post