മുല്ലപ്പെരിയാർ വിഷയത്തിൽ കേരളം സുപ്രീംകോടതിയിൽ സത്യവാങ്മൂലം സമർപ്പിച്ചു. നിലവിലെ പ്രശ്നത്തിന് ശാശ്വത പരിഹാരം പുതിയ അണക്കെട്ട് മാത്രമാണ്. അണക്കെട്ടിലെ ജലനിരപ്പ് 142 അടിവരെയായി ഉയര്ത്താം എന്നുള്ള തമിഴ്നാട് നിശ്ചയിച്ച റൂള്കര്വ് പുനഃപരിശോധിക്കണമെന്നും നവംബര് 30 ന് അണക്കെട്ടിലെ പരമാവധി ജലനിരപ്പ് 140 അടിയായി നിജപ്പെടുത്താന് നിര്ദ്ദേശിക്കണം എന്നും സുപ്രീംകോടതിയോട് ആവശ്യപ്പെട്ടു.
മുല്ലപ്പെരിയാര് അണക്കെട്ടിനെ സംബന്ധിച്ച് കേന്ദ്ര ജലകമ്മീഷന് സമര്പ്പിച്ച തല്സ്ഥിതി റിപ്പോര്ട്ട് അംഗീകരിക്കരുതെന്ന് ആവശ്യപ്പെട്ട് ഹര്ജിക്കാരന് ജോ ജോസഫും സുപ്രീംകോടതിയില് സത്യവാങ്മൂലം ഫയല് ചെയ്തിട്ടുണ്ട്. അണക്കെട്ടിലെ ജലനിരപ്പിൽ മാറ്റം വരുത്തേണ്ടതില്ലെന്ന മേൽനോട്ട സമിതിയുടെ റിപ്പോര്ട്ട് അംഗീകരിക്കരുതെന്ന് ജോ ജോസഫ് സത്യവാങ്മൂലത്തിൽ പറഞ്ഞു.
അശ്രദ്ധമായി അണക്കെട്ടിന്റെ സുരക്ഷ കൈകാര്യം ചെയ്യുന്നതിലൂടെ ജനങ്ങളുടെ ജീവൻ വെച്ച് കളിക്കുന്ന ഉദ്യോഗസ്ഥര്ക്കെതിരെ നടപടി സ്വീകരിക്കണം. അണക്കെട്ടിന്റെ റൂൾകര്വും ഗേറ്റ് ഓപ്പറേഷൻ ഷെഡ്യൂളും ഇതുവരെ അന്തിമമായിട്ടില്ല. സുരക്ഷ സംബന്ധിച്ച മാനദണ്ഡങ്ങൾ കൃത്യമായി പാലിച്ചല്ല അണക്കെട്ട് പ്രവര്ത്തിപ്പിക്കുന്നത് എന്നും ജോ ജോസഫ് സുപ്രീംകോടതിയെ അറിയിച്ചു. മേൽനോട്ട സമിതിയുടെ റിപ്പോര്ട്ടിൽ സംസ്ഥാന സര്ക്കാരും ഉടൻ സുപ്രീംകോടതിയിൽ മറുപടി സത്യവാംങ്മൂലം സമര്പ്പിക്കും. കേസ് മറ്റന്നാൾ സുപ്രീംകോടതി വീണ്ടും പരിഗണിക്കും.
Discussion about this post