ഡൽഹി: പുതുവർഷത്തിലെ പ്രധാനമന്ത്രിയുടെ ആദ്യ വിദേശ സന്ദർശനം യു എ ഇയിലേക്ക്. 2022 ജനുവരിയിലായിരിക്കും പ്രധാനമന്ത്രിയുടെ യു എ ഇ സന്ദർശനം. ദുബായ് എക്സ്പോയിൽ ഇന്ത്യ ഒരുക്കിയ പവലിയൻ അദ്ദേഹം സന്ദർശിക്കും.
യു.എ.ഇ ഭരണാധികാരികളുമായി പ്രധാനമന്ത്രി ചർച്ചകൾ നടത്തും. നേരത്തെ 2015, 2018, 2019 എന്നീ വർഷങ്ങളിൽ പ്രധാനമന്ത്രി യു എ ഇ സന്ദർശിച്ചിരുന്നു. യു എ ഇയിലെ പരമോന്നത സിവിലിയൻ പുരസ്കാരമായ ഓർഡർ ഓഫ് സായിദും നരേന്ദ്ര മോദിക്ക് ലഭിച്ചിട്ടുണ്ട്.
സ്വാതന്ത്ര്യത്തിന്‍റെ 75-ാം വാർഷികാഘോഷങ്ങളുടെ ഭാഗമായി ഇന്ത്യയുടെ നേട്ടങ്ങൾ പ്രദർശിപ്പിക്കുന്ന 4 നിലകളുള്ള കൂറ്റൻ പവലിയനാണ് ദുബായ് എക്സ്പോയിൽ ഇന്ത്യ ഒരുക്കിയിരിക്കുന്നത്. ഇതിനകം നാല് ലക്ഷത്തിലധികം പേർ ഇത് കണ്ടുകഴിഞ്ഞു. വിദേശകാര്യ മന്ത്രി ഡോ. എസ്. ജയശങ്കർ ഈ മാസം ആദ്യം ദുബായ് എക്‌സ്‌പോയിലെ ഇന്ത്യൻ പവലിയൻ സന്ദർശിച്ചിരുന്നു.
